"Sońǵy júrgizilgen jumystar nátıjesinde, pasıentterdiń emhanalarǵa bekitilý jaǵdaıy buzylǵan. Bir otbasynyń músheleri ártúrli emhanalarda, ár jerde bekitilgen. Úıde qyzmet kórsetý aýmaǵynan tys kelgen adamdardyń sanaty paıda boldy. Olarǵa qadamdyq qoljetimdilik usyný qıynǵa soǵyp otyr. Emhanalar óz jumysyn birde-bir toqtatqan emes", dedi Densaýlyq saqtaý vıse-mınıstri A. Ǵınııat.
Onyń aıtýynsha, koronavırýs juqtyrǵan naýqastardy úıde emdeıtin 383 kóshpeli mobıldi brıgadalar jumys isteıdi.
"Olardyń birinshi túri - KVI-ǵa test alýdy júrgizý. Ekinshi túri - KVI rastalǵan naýqastarǵa kómek kórsetedi. 165 myń naýqas ambýlatorııalyq jaǵdaıda medısınalyq kómek alýda. Úshinshi túri - sozylmaly (hronıkalyq) aýrýlary bar naýqastarǵa kómek kórsetedi", dedi vıse-mınıstr.
