QAZAQSTAN TARABYNYŃ ÚLKEN ÚLESI ATALDY

EQYU-nyń Is basyndaǵy tóraǵasy, Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev sársenbide elimizge resmı saparmen kelgen BUU Bas hatshysy Pan Gı Mýnmen kezdesti. Bul kezdesý  Astanada aýa raıynyń kúrt buzylýynan Bas hatshynyń ushaǵy Qaraǵandy qalasyna qonýyna baılanysty bir kúnge keshiktirilgenin aıta keteıik. Qanat Saýdabaev 1991 jyldyń 29 tamyzynda Prezıdent N.Nazar­baev­tyń Jarlyǵymen Semeı po­lı­gonynyń jabylýy ıadrolyq qarý­syz álem ustanymyna jol salǵan­dy­ǵyn atap kórsetti. Osy rette Q.Saý­dabaev BUU Bas hatshysynyń álem halqyn beıbitshi­lik­ke shaqyrǵan úndeýi, “ıadrosyz  beı­bit ómirge balama joq” degen paıy­my onyń Bas hatshy retindegi ıadro­lyq qarýdy taratpaý jáne onyń qaýpin seıiltý jónindegi nyq usta­nymyn kórsetetinin erekshe atady. “Sizdiń barlyq qadamdary­ńyz Pre­zıdent N.Nazarbaevtyń is-áreket­terimen jáne ustanymymen astasyp jatqany bizder, qazaqstan­dyqtar úshin óte jaǵymdy”, dedi Qanat Bekmyrzauly. Jáne de búgingi tańda BUU Qazaqstannyń kóptegen basta­ma­laryna qoldaý bildirip kele jat­qanyn aıtty. Semeı polı­gonynyń jabylǵan 1991 jylǵy 29 tamyzy ıadro­lyq synaqqa qarsy kúres kúni bo­lyp qabyldanýy da Pan Gı Mýn esimimen tikeleı baılanysty ekeni ataldy. О́z kezeginde mártebeli meıman dástúri men tarıhy tereńde jatqan Qazaqstanǵa, ásirese, Semeı óńirine jasaǵan saparynan alǵan mol áserine rızashylyǵyn bildirdi. Bul sapar Reseı men AQSh arasyn­da­ǵy strategııalyq  shabýyldaý qarýlar­yn (SShQ) joıý týraly buryn qol qoıylǵan kelisimniń zańdy jalǵasy bolyp tabylatyn jańa kelisimge qol qoıý rásiminiń aldynda ótýde. Onyń ústine, kelesi aptada Nıý-Iork qalasynda Prezıdent N.Nazarbaev qatysady dep kútilgen ıadrolyq qarýsyzdanýǵa baılanysty joǵary deńgeıdegi úlken sammıt ótpekshi. BUU Bas hatshysy Qazaqstan men onyń basshysynyń álemdi ıadrolyq qaýipten ada etý  bastamalaryna qos­qan súbeli úlesterine erekshe toqtal­dy. Budan keıingi áńgime BUU men Qazaqstan arasyndaǵy yntymaqtas­tyq­ty arttyrý jaıynda jalǵasyn tapty. Asqar TURAPBAIULY.