Aldyn ala boljam boıynsha, joldastyq kezdesý 11 qarashada Podgorısada ótedi dep josparlanǵan. Jalpy, búginge deıin Qazaqstan men Chernogorııa quramalary jasyl alańda úsh ret kezdesip, úsheýinde de qarataýlyqtar jeńiske jetken. Eki el quramasynyń alǵashqy tanystyǵy 2008 jyly bastalǵan. Sol jyldyń 27 mamyrynda Podgorısada ótken joldastyq kezdesýde alań ıeleri 3:0 esebimen basym túsken-di.
Eki el fýtbolshylary sondaı-aq 2018 jyly Reseıde uıymdastyrylǵan álem chempıonatynyń irikteý kezeńinde bir topta óner kórsetti. Syrt alańda ótken alǵashqy matchta Chernogorııa 5:0 esebimen jeńiske jetse, 2017 jyly elordada ótken básekede taǵy da jeńildik. Bul jolǵy esep – 3:0. Bar-joǵy 600 myńdaı halqy bar shaǵyn ǵana eldiń aıaqdopshylarynan osylaısha iri eseptermen utylyp jatyrmyz.
Aıta keterligi, Ulttar lıgasy qyrkúıek aıynda bastalýy tıis. Atalǵan dodada Qazaqstan S dıvızıonynda Albanııa, Belarýs jáne Lıtvamen oınaıdy.
