Aqtóbe qalasynyń irgesindegi Kırpıchnyı kentinde sumdyq qaıǵyly oqıǵa oryn aldy. Úı janyndaǵy janyp ketken saraıdan 4 jasar qyzdyń máıiti tabyldy. Bul týraly Aktobetimes.kz habarlady.
Qazir Karına esimdi búldirshinniń týǵan-týystary saraıdyń qyz ólimin búrkemeleý úshin qoldan órtelgenin aıtyp otyr. Oqıǵa 7 qazan kúni bolǵan. Saraı janyp jatqan kezde onyń ishinde kishkentaı qyzdyń bar ekenin eshkim bilmegen. Al esikti ashqanda, jurttyń bári onyń turǵan qalpyna tań qalǵan. Ol eski kreslo men eski máshıneniń kapoty arasyna qystyrylyp turǵan. Búldirshinniń saraıǵa qalaı kelip qalǵanyn da eshkim bilmeıdi.
Karınanyń týǵan tátesi Marııa Belan (sýrette) onyń kóz aldynda oınap júrgenin aıtady. Sońǵy 15 mınýtta ǵana kenet joq bolyp ketken.
Jurt qazir kishkentaı qyzdyń esikti ashyp, ony ishinen ilip qoıýǵa shamasy kelmeıdi desedi. Demek, ony bireý óltirip, sosyn saraıǵa ot qoıyp ketken.
Taǵy bireýler muny istegen qyzdyń ógeı ákesi degendi de aıtýda.
«Meniń baýyrym onymen jeti aıdan beri turyp jatyr, - deıdi Marııa. – Karına – onyń balasy emes. Sińlim basynda sodan ekiqabat blyp qalǵan. Biraq abort jasatty. Sol kúni sińlimniń azamattyq kúıeýi úıde jalǵyz boldy. Karına ájesinen ákelgen júgerisin úıde qaldyryp ketipti. Demek, óziniń úıine barmaǵan. Biz bárimiz órtti sóndirip jatqanda, kúıeý bala jaı ǵana qarap turdy. О́rtti sóndirýge aralasqan joq. Jáne saraıda eshkimniń joq ekenin aıtty. Biz jerleýge daıyndaalyp jatqanda, ol joq bolyp ketti. Telefonyn óshirip tastapty. Endi osynyń bári kúdik shaqyratynyn polıseıge aıtsam, sózime qulaq túrmeıdi. Ol Karına tútinge tunshyǵyp ólgen dep otyr. Zorlap óltirýdiń belgisi joq deıdi».
Sultan Bozaıǵyr.
