“BIZGE ETENE TÝYS QYRǴYZ HALQYN AIаIMYN”

Keshe “Evronıýs” telearnasy­na bergen suhbatynda Nursultan Na­zarbaev Qyrǵyzstanda bolyp jatqan sońǵy oqıǵalarǵa baıla­nys­ty Qazaqstannyń ustanymyn aıqyndap berdi. Memleket basshysy biz úshin týysqan elde taǵy da turaqsyzdyq oryn alyp, azamattardyń qany tó­gilgenine ókinish bildirdi. Prezıdent Qazaqstan EQYU Tóraǵasy retinde respýblıka Parlamenti Májili­si­niń vıse-spıkeri J.Káribjanovty Qyrǵyz­stan boıynsha arnaýly ókil etip taǵaıyndaǵanyn atap ótti. EQYU Hatshylyǵynan Bishkekke EQYU Hatshylyǵynyń Qaqtyǵys­tar­dy boldyrmaý jónindegi orta­ly­ǵy­nyń dırektory G.Zalber ji­berilgen. Nursultan Nazarbaev kórshi res­­pýblıkada bolyp jatqan kúsh qol­daný men tonaýshylyqty aıyp­tady. – Qyrǵyz Respýblıkasy – bizdiń kórshimiz. Osy oqıǵalardy úlken ókinishpen baqylap otyr­myn. Men osyndaı tuńǵıyq ıirimge únemi tap bolatyn etene týys qyr­ǵyz halqyn aıaımyn. Barlyq saıa­satshylar bul rette halyqqa qam­qor­lyq jasaıtynyn, olarǵa jaq­sylyq tileıtinin aıtýmen bolady. Al is júzinde ekinshi kún búlingen­nen búldirge alýshylyq – tonaý­shy­lyq júrip jatyr. Dúkenderdi qıratyp, órteýde, bankter jabyl­ǵan, bıznes qalalardan bezip, Qyr­ǵyz­stannan kapıtal ketýde. Turaq­ty­lyq joq bolsa – eshteńe de bola al­maıdy. Saıasatpen, barrıkadalar­men aına­lyspaý kerek. Aldymen ha­lyqty toıyndyratyn, oǵan ju­mys beretin nárselermen aınalysý kerek. Osyndaı keleńsizdik saldarynan búginde Qyrǵyzstan halqynyń jartysynan astamy kedeıshilik deńgeıinen tómen jaǵ­daıda turady. Jumyssyzdyq óte kóp. Jan basyna keletin IJО́, salystyryp kórińiz, Qyrǵyz­stan­da – 800 dollar, Qa­zaqstanda – 8000 dollar. Qazaqstan búkil osy jyldary beıbit ómirdiń lázzatyn kórýde, adamdar tynysh eńbek etip, balalaryn tárbıeleýde. Elde turaqtylyq bar. Kópult­tylyǵyna qaramastan, adamdar bir-birin qur­metteıdi, toleranttylyq óte joǵary. Osynyń ózi bizge damý múmkindigin beredi, ınvestısııa tartý múmkindigin týǵyzady. Munyń bári turaqtylyq pen halyqtyń tynysh ómir súrýi – eń basty másele ekenin kórsetedi, – dep qadap aıtty Prezıdent Nursultan Nazarbaev.