Taǵaıyndaý • 12 Shilde, 2020

Medısınalyq saqtandyrý qoryna jańa basshysy taǵaıyndaldy

191 ret kórsetildi

Bolat Turǵanuly Tókejanov QR Densaýlyq saqtaý mınıstriniń buıryǵymen "Áleýmettik medısınalyq saqtandyrý qory" KEAQ Basqarma tóraǵasy bolyp taǵaıyndaldy. Búgin Densaýlyq saqtaý mınıstri Alekseı Soı Bolat Tókejanovty Qor ujymyna tanystyrdy, dep habarlaıdy Egemen.kz Densaýlyq saqtaý mınıstrliginiń baspasóz qyzmetine silteme jasap.

"Bolat Turǵanuly densaýlyq saqtaý júıesinde tájirıbesi mol, saladaǵy eń mańyzdy reformalardy júzege asyrýǵa tikeleı qatysqan, barlyq problemany ishten jaqsy biledi. Bul óte qundy tájirıbe, óıtkeni medısınalyq saqtandyrý qorynyń  halyqqa arnalǵan medısınalyq kómekti strategııalyq satyp alýshy retinde jáne MÁMS pen TMKKK paketiniń qarjylyq operatory  retinde erekshe mártebesi bar. Barlyq prosesti - satyp alý men medısınalyq kómekti qarajylandyrý isin ashyq  jáne júıeli júzege asyrý kerek.  Qazir elimizdiń densaýlyq saqtaý salasy qıyn kezeńdi bastan ótkizip otyr, bul retet koronavırýsqa qarsy  kúres sharalarynyń shyǵynyn óteýde  saqtandyrý qorynyń róli óte mańyzdy", - dedi mınıstr A. Soı.

Mınıstr bul taǵaıyndaýdyń artynda  úlken jaýapkershilik turǵanyn  jáne   Memleket basshysy qoıǵan mindetterdi qysqa ýaqytta oryndaý qajettigin  de atap ótti.

Bolat Tókejanov 1972 jyly 19 shildede QazKSR Shyǵys Qazaqstan oblysynda dúnıege kelgen.

1994 jyly Qazaq Memlekettik basqarý akademııasyn "Ekonomıst" mamandyǵy boıynsha bitirgen. 2010 jyly Qazaqstan Respýblıkasy Prezıdenti janyndaǵy Memlekettik basqarý akademııasynyń ulttyq memlekettik saıasat mektebinde memlekettik jáne jergilikti basqarý magıstri dárejesin aldy.

Dıýka, Darem, Soltústik Karolına, AQSh-ta Stendford ýnıversıtetiniń memlekettik saıasat mektebinde, sondaı-aq,  Sıngapýrdaǵy Lı Kýan Iý  atyndaǵy Ulttyq Ýnıversıtettiń memlekettik saıasat mektebinde oqyǵan. 

Bolat Tókejanov Qazaqstannyń salyq qyzmeti júıesinde jumys tájirıbesi bar, Shyǵys Qazaqstan oblysyndaǵy densaýlyq saqtaý uıymdaryn basqardy.

QR Densaýlyq saqtaý mınıstrliginde basshylyq qyzmetterdi atqardy. QR Densaýlyq saqtaý mınıstrliginiń vıse-mınıstri, jaýapty hatshysy bolyp jumys istedi.

"Qurmet" ordenimen marapattalǵan, Qazaqstan Respýblıkasynyń Densaýlyq saqtaý úzdigi. Úılengen, úsh bala tárbıelep otyr.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar