Tehnologııa • 12 Shilde, 2020

Salmaǵy 92 gramdyq prınter

622 ret kórsetildi

Kádimgi qalamsaptan sál ǵana úlkendeý bul qurylǵy qoldanýǵa óte yńǵaıly. Selpic P1 kishigirim jazba,  QR-kod  nemese kólemi shaǵyn sýretti kez kelgen zattyń betine shyǵara alady. Ázirge ol birneshe betten turatyn úlken faıldy basyp shyǵara almasa da onyń bolashaǵy zor delinýde.

Kádimgi prınterge qaraǵanda onyń jumys isteýi basqasha, ıaǵnı, prınterdi marker retinde qoldanýǵa bolady. Qurylǵydan sapasy 600 DPI bolatyn fotografııa, sýret nemese shaǵyn mátindi ońaı shyǵaryp alasyz. Kartrıdj alty túrli boıaýmen qamtylǵan. Ol óndirýshiniń aıtýynsha, A4 formatyndaǵy 90 paraq shyǵarýǵa jetedi.

Akkýmýlıatory bir qýattalǵan soń 3 saǵat toqtaýsyz jumys isteı alady. Smartfonyńyzǵa Wi-Fi jelisi arqyly qosyp alǵan soń arnaıy qoldanba arqyly prınterdi basqara berýge bolady. Baǵasy 89 AQSh dollary mólsherinde bolmaqshy.

Uqsas jańalyqtar