Ústimizdegi jylǵy 5 qazanda Máskeýde Aleksandr Povetkın men Vladımır Klıchko arasyndaǵy matchtyń anderkarty, ıaǵnı qosymshasy retinde ótkizilgen RAVA belbeýi úshin aýyr salmaqta Rýslan Chagaev pen serb Iovo Pýdardyń talasynda bulardyń aldyńǵysy jeńiske jetken bolatyn. Mine, sol utyp alǵan belbeýin boksshy Sheshenstannyń prezıdenti Ramzan Kadyrovqa syılady. Bul týraly piter.tv saıty habarlady.
Osy urysta Rýslan qarsylasyn 117-109, 115-111 jáne 118-108 degen eseptermen tize búktirdi. Ol Iovo Pýdardy ekinshi jáne segizinshi raýndtarda nokdaýnǵa túsirdi. О́ziniń kásipqoılar rıngindegi 32-shi jeńisine jetken boksshy qzyr Sheshen respýblıkasynyń birinshi prezıdenti Ahmat-hadjy Kadyrovtyń qurmetine qoıylǵan «Kadyr» sport klýbynyń týy astynda óner kórsetedi.
Sheshenstannyń óazirgi prezıdenti, Ahmat-qajynyń balasy Ramzan Kadyrov óziniń áleýmettik jelisine sol kezderi bylaı dep jazypty:
«Assalamý alaıký, dostar! Jer degen shekteýli ǵoı, aqıqat sosyn qashanda janyńa jaqyn júredi. Boksshy Rýslan Chagaev jeńiske jete bastaǵanda, ony bireýler ózbek dedi, bireýler tatar dedi, taǵy basqalaryn aıtty. Biraq ol shyn máninde sheshen bolyp shyqty! Iá, tap solaı, ol – sheshen! Bizdiń tarıhshylarymyz ben muraǵat qyzmetkerleri onyń ata-babalarynyń shejiresi jóninde jan-jaqty derekter tapty. Bizge osyndaı laıyqty adamnyń, naǵyz erkektiń jáne taza musylmannyń sheshen bolǵany sumdyq jaqty, ony bul jańalyqty bilgenge deıin de qatty qurmettep kelgenimizge qaramastan. Biz endi jerimizge qosh keldiń, Rýslan, deımiz».
Rýslan Chagaev:
«Men Ahmat-qajy Qadyrovtyń atyndaǵy klýbtyń atynan saıysqa túsetin bolǵandyqtan, ony uıatqa qaldyrmaýym kerek. Men sondyqtan daıyndyq tusynda da, urys kezinde de osy klýbtyń atyn shyǵarýǵa barymdy saldym».
«Groznyı» telearnasy habarlaǵandaı, Rýslan Chagaev jeńisti jekpe-jeginen keıin Sheshenstanǵa ushyp kelgen, ony áýejaıda respýblıka basshysy Ramzan Kadyrovtyń ózi kútip alǵan. Qurmet kórsetý esebinde boksshy óziniń sońǵy alǵan belbeýin Sheshen respýblıkasynyń basshysyna syılaǵan.
Rýslan Chagaev:
«Ramzan, baýyrym, taǵy da úlken rahmet. Bul belbeý ádilinde saǵan tıesili. Bul birinshi dáreje. Alda áli bastysy bolady, men ony jeńip alǵanda álem chempıony atanamyn. Osynyń bári seniń arqańda. Seni maǵan senim uıalattyń, kúsh berdiń, Allanyń arqasynda endi saǵan da, maǵan da jaqsy bolyp tur. Rahmet saǵan».
Ramzan Kadyrov:
«Seniń bul urysty utqanyńa men shynynda qýanyshtymyn. Budan da ilgeri júrý úshin jáne baspaldaqpen joǵary kóterilý úshin bul bizge kerek edi. Men ózińmen birinshi kezdeskende-aq ózińe tabynýshy ekenimdi aıtqanmyn. Men Rýslan Chagaevtyń qaıtyp oralyp, búkil álemge óziniń chempıon bolǵanyn kórsetýin qaladym. Munyń bárine Jaratqannyń qalaýymen, óz kúshińmen jettiń. Áli de jete beresiń! Men biz senimen birge jaqyn aralyqta Groznyıda keremet jaqsy urys ótkizdiremiz dep oılaımyn. Seni kútetin tek О́zbekstan men Sheshen respýblıkasy ǵana emes, sonymen qatar Reseıde de, búkil álemde de sen kereksiń! Taǵy da quttyqtaımyn! Seniń chempıon bolatynyńa senimdimin!»
