Ǵylymı-zertteý jumystaryn anyqtaı otyryp, nysandy qalpyna keltirý, ashyq aspan astyndaǵy arheologııalyq murajaı ashý jáne Uly Jibek jolynyń soltústik tarmaǵy boıynda ornalasqan úlken týrıstik nysan qurýdy maqsat etken jobaǵa búginde júzdegen jalyndy jasty tartý qarastyrylyp otyr. «Birgemiz: Asyl Mura» jalpyulttyq jobasy «Jas Ulan» biryńǵaı balalar men jasóspirimder uıymy» RQB jaýapkershiliginde.
Syrdarııa men Jýaly alqabynyń orta aǵysy, ıaǵnı Jambyl oblysynyń barlyq Jýaly aýdany qańlylardyń baıyrǵy ıelikteri ekeni málim. Muny arheologııalyq qazbalar da rastaıdy, nátıjesinde osy óńirden qańly mádenıetiniń óte qyzyqty jáne biregeı nysany tabylǵan.
Arheologııalyq jumystarǵa birinshi bolyp tarıh fakýltetinde oqıtyn túrkistandyq stýdentter bardy. Olar ári qaraı arheologııamen aınalysý úshin baǵyt alyp, tájirıbe jınady. Qazir nysanda ekinshi top jumys isteýde. Jalpy alǵanda, nysanǵa 3 volonterlik top barady dep josparlanǵan.
«Volonterlerdiń arheologııalyq ǵylymı-zertteý jumystaryna qatysýy óte mańyzdy, úlken jumys. «Birgemiz: Asyl Mura» jalpyulttyq jobasy óte mańyzdy jáne ózekti joba. Volonterler negizinen jastar, stýdentter. Osyndaı jobalar arqyly jastar qazaq halqynyń shynaıy tarıhy týraly biledi. Oǵan óz úlesterin qosady. Qazaqstandaǵy qańly tarıhymen birneshe arheolog qana aınalysady. Bizdiń ekspedısııa jastarǵa b.e.d. II ǵasyrdan bastap úlken ýaqyt kezeńin zertteýge túrtki bolmaq», deıdi tarazdyq arheolog, ólketanýshy, «Qazgeoarheologııa» JShS ǵylymı uıymynyń tóraǵasy Eskendirbek Torbekov.
