Tálimgerlikke ázir

Onyń sharttaryna sáıkes eli­miz boıyn­sha 68 jas volonter shaǵyn grantqa ıe bolsa, olar­d­yń 10-y – aqtóbelik. Joba jeńimpazdary aldaǵy ýaqytta áleý­mettik qyzmet kórsetý orta­lyqtarynda taǵdyrdyń tepe­rishine tap bolǵan balalar men jasóspirimderge tálimgerlik turǵydan qoldaý kórsetpek.

Aqtóbe oblystyq jastar resýrstyq ortalyǵynyń bólim basshysy, joba tálimgeri Nur­baqyt Altynbekqyzynyń aıtýynsha, óńirden jeńimpaz atan­ǵan 10 volonter jasqa bul baǵyttaǵy jumystarmen aınalysý úshin bir úılestirýshi men úsh aǵa tálimger jáne alpysqa jýyq volonter qosylmaq. Olar óz qyzmetterin óńirdegi «Aıala», «Meıirim» jáne «Jaına» áleýmettik damytý orta­lyqtarymen tyǵyz baılanys­ta júrgizýdi uıǵarǵan. Bul rette búgingi kúni tálimgerlikke tartylǵandardy onlaın formatta oqytý isi qolǵa alyn­^­ǵan. Osy sheńberde ózara tanysý men túsinisý úshin onlaın kezdesýler uıymdastyryla bastady.

«Jańa júıe men tártip qazirgi indet jaǵdaıyna ıkem­dele bilýden týyndady. Buǵan qosa tálimgerlik is­tiń tinin odan ári tarqatý úshin áleýmettik jelilerdiń keń aýqymdy múmkindigi de jumyldyrylmaq. Sonymen birge jobaǵa qatysýshylarǵa arnalǵan YouTube jelisinen kanal ashylyp, barlyq jumysty sol jerge shoǵyrlandyrýdy uıǵardyq. Bul qadam tálimgerlik qozǵalystyń aýqymy keń ári qoljetimdi bolýyn qamtamasyz etýden týyndady», dedi bas tálimger.

Oblystyq jas­tar resýrsy ortalyǵy qolǵa al­ǵan jo­ba­lardyń túpki maqsaty – taǵdyr­dyń teperishine tap bolyp, erkelikti kótermeıtin asaý ómirdiń ashysyna bir­den kezikken qoǵamnyń jas múshe­lerine qol sozyp, qoldaý kórsetý bolyp otyr. 

Ortalyqta ony júzege asyrýdyń ártúrli joldary men tásilderi bel­gilengen. Sonyń basty bir tarmaǵy atal­ǵan sanatqa kiretin balalar men jasóspirimderdiń dúnıetanymy men oı-óristerin damytýdy kózdeıdi. Kom­pıýterlik saýattylyqty jetildirý máse­lesi osy tálimdi istiń bir tarmaǵy retinde qarastyrylǵan.

AQTО́BE