Dári-dármek jibergeni – kóp kómek

3 mlrd teńgeniń dári-dármegi jetkizilýde

Indet beleń alǵan biraz memleketke bastapqyda elimiz gýmanıtarlyq kómek jiberip, qoldaý kórsetti. Endi bul jamanat dert ózimizde órshı bastaǵanda shekara asyp bizge de qajetti dúnıe jetti. Ásirese baýyrlas elderden dá­ri-dármek tıelgen borttardyń kelip jat­­qany úlken kómek boldy. Osyǵan qa­tysty jan-jaqty maǵlumatqa Or­ta­lyq kommýnıkasııalar qyzmeti ala­ńynda ótken baspasóz máslıhatynda qa­nyqtyq.

Densaýlyq saqtaý vıse-mınıstri Lıýdmıla Bıýrabekova Qazaqstanǵa dári-dármek túrindegi gýmanıtarlyq kómek shilde aıynyń sońyna deıin kór­setiletinin atap ótti. Onyń aıtýyn­sha, Úkimet ambýlatorlyq jelige asa qajetti dári-dármekterdi jetkizý úshin bir­neshe ushaq uıymdastyrdy. 21 ataý­dan turatyn tizim túzildi. Bul – dene qy­zýyn túsiretin, vırýsqa qarsy dáriler.

Shildeniń sońyna deıin birqatar reıspen bólshek saýda jelisin qamta­masyz etý úshin aılyq qajet­tilikke jaraıtyn dári-dármekter jetkizý jóninde kelisim jasaldy. О́tken sen­bide Reseıden eki bort keldi. Dárilik zat­tardyń 3 mln-nan asa qoraby jet­kizildi. Bul dárilerdiń bári óńirler men úsh iri qala arasynda teńdeı bólindi. Olar­dy sertıfıkattaý rásimi jedel júr­gizilip, jelilerge túse bastady.

Sonymen qatar Úndistannan da arnaıy reıs ushyp keledi. Buǵan qosa rezerv úshin taǵy eki bortpen qajetti preparattar ákelinedi.

Qazirgi ýaqytta biryńǵaı dıstrı­bıýtor arqyly aýrýhanalarǵa 3 mlrd teńgege jýyq somany qu­raı­tyn medı­sınalyq dári-dármekter tasymal­danyp jatyr. Sondaı-aq úsh aıǵa jetetin rezerv qurý úshin otandyq óndirýshilerden de, ımporttaýshylardan da dári-dármek satyp alý rásimderi júrgizilýde. Aldaǵy ýaqytta biryńǵaı dıstrıbıýtor naýqastardyń boljamdy sany boıynsha jyl sońyna deıin barlyq aýrýhanalar dári-dármekpen qamtylýy úshin qoımalardy toltyrady.

Búginde Biryńǵaı dıstrıbıýtordyń satyp alýy aıasynda otandyq óndirý­shilerden 59,8 mlrd teńge somasyna jáne ımporttyq óndirýshilerden 154,3 mlrd teńge somasyna dári-dármek satyp alyndy. Barlyq preparattar kepildi tegin medısınalyq kómek kórsetetin stasıonarlar men emhanalarǵa jet­kiziledi.

15 memleketten gýmanıtarlyq kómek keldi

Baspasóz máslıhatyna qatysqan Syrtqy ister mınıstriniń orynbasary Erjan Ashyqbaev qansha memleketten qandaı kólemde kómek kelgeni týraly egjeı-tegjeıli aıtyp berdi.

«Syrtqy ister mınıstrligi Den­saýlyq saqtaý mınıstrligimen birlesip, indet taraǵan kezden bastap syrtqy halyqaralyq áriptesterimizden tıisti qaıyrymdylyq kómekti elge jet­kizý ju­mystaryn júrgizip keledi. Bul ju­mys óte aýqymdy. Árıne osy oraıda eń aldymen áriptesterimiz – QHR, AQSh, Reseı, BAÁ, Japonııa, Túrkııa, Ońtústik Koreıa, Qatar, О́zbekstan jáne basqa da elderge, DDU sııaqty halyqaralyq uıymdarǵa, kompanııalarǵa, sheteldik qaıyrymdylyq qorlaryna, jekelegen azamattarǵa kórsetken qoldaýy úshin shynaıy rızashylyǵymyzdy jetkizgim keledi. Birinshiden, indet jahandyq bolǵannan keıin biz jumy­symyzdy, ıaǵnı dári-dármek satyp alý nemese shetelden qajetti medı­sınalyq qurylǵylardy, zattardy ákelý máselesin dúnıe júzindegi úl­ken básekelestik jaǵdaıynda iske asy­ryp jatyrmyz. Muny eskergen jón. Ekinshiden, gýmanıtarlyq kómek qanshalyqty aýqymdy bolsa da, aldymen eń úlken júk Úkimetimizge, respýblıkalyq bıýdjetke túsip otyr. Densaýlyq saqtaý mınıstrligine, den­saýlyq saqtaý júıesindegi árip­testerimizge zor jaýapkershilik artylyp otyrǵany anyq», dedi Erjan Ashyqbaev.

SIM ókiliniń deregi boıynsha eli­mizge gýmanıtarlyq kómek retinde

5 mln 200 myńǵa jýyq medısınalyq maska, 98 ókpeni jasandy jeldetý apparaty, 260 myń test júıesi, 3 myńǵa jýyq teplovızor men termometr ákelindi.

«Gýmanıtarlyq kómek retinde dári-dármekti biz jalpy sany jeti taraptan alǵan edik. Olar – Úndistan, Pákistan, Reseı, Japonııa jáne Túrkııa, sondaı-aq túrkııalyq eki kompanııa. Osy dári-dármektiń ishinde eń eleýli úles – gıdroksıhlorıd dárisiniń 90 myń danasy, hlorohın dárisiniń 100 myń danasy, avıgannyń 10 200 danasy, asetılsısteınniń 10 200 danasy jáne plakvenıldiń 10 myń danasy. Qalǵan preparattar 100, 150, 300, 500, 1500 danadan kelgen. Dári-dármekke ruqsat qaǵazy alynǵannan keıin qoımada jatyp qalǵan emes. Tıisti mekemelerge taratyldy. Osy rette Qatardan kelgen júktiń ishinde dári-dármek bol­maǵanyn aıta keteıin. Sondyqtan eki nárseni shatastyrmaıyq. Kelgen dári-dármektiń bári de birden ortaq dıstrıbıýtor arqyly medısınalyq mekemelerge jetkizilip turady», dedi Erjan Ashyqbaev.

О́kpeni jasandy jeldetý apparaty shyǵarylady

Qysyltaıań kezeńde memleketterdiń bir-birine qolǵabys etkeni – quptarlyq is. Biraq áleýmettik jelilerde biraz jurt ózimizdi jarylqamaı turyp, Qazaqstannyń Tájikstanǵa gýma­nıtarlyq kómek jóneltetinine qyn­­jylys bildirdi. Suraq-jaýap barysynda jýrnalıster osynyń anyq-qanyǵyn surap, Densaýlyq saq­taý vıse-mınıstri bul kómektiń qarastyrylǵanyn rastady.

«Qazirgi ýaqytta barlyq el bir-birine kómek kórsetýde. Elimizge de gýmanıtarlyq kómekter kelip jatyr. Qazaqstan Úkimeti Tájikstanǵa jyldyń sońyna qaraı portatıvti ókpeni jasandy jeldetý apparaty túrindegi gýmanıtarlyq kómek kórsetý týraly máseleni qarastyryp jatqany ras. Bul portatıvti apparat pasıentti jedel járdem kóligimen tasymaldaǵanda qoldanylady. Dál osyndaı apparat elimizde jetkilikti, Aqmola oblysynda shyǵarylady. Búginde ózimizdiń zaýyt óndiristik qýatyn arttyryp otyr. Kásiporyn túrkııalyq kompanııamen birge portatıvti ókpeni jasandy jeldetý apparatynan bólek qazir asa qajet bolyp otyrǵan stasıonarlyq ókpeni jasandy jeldetý apparatyn shyǵarýdy josparlaýda. О́ndiris taıaý aralyqta jolǵa qoıylady jáne jyldyń sońyna deıin elimizdiń barlyq aýrýhanalary portatıvti jáne stasıonarlyq ókpeni jasandy jeldetý apparattarmen qamtamasyz etiledi», dedi Lıýdmıla Bıýrabekova.

Fleshmobqa mınıstrlik kináli emes

Sonymen qatar Densaýlyq saqtaý mınıstrliginiń ókili qoǵamda daý týǵyzǵan taǵy basqa da máseleler bo­ıyn­sha jaýap berdi. Sonyń biri indetten kóz jumǵandardy eske alýǵa arnalǵan aza tutý kúninde dárigerlerdiń kóshege shyǵyp, qatarǵa turǵany týra­ly boldy. Lıýdmıla Bıýrabekova mundaı fleshmobqa mınıstrlik bas­tamashy bolmaǵanyn, bul Medısına qyzmetkerleri qaýymdastyǵy tarapynan uıymdastyrylǵanyn atap ótti.

Buǵan qosa jýrnalıster pnevmo­nııanyń nelikten koronavırýs statıs­tıkasynda esepke alynbaı jatqanyn surady.

«Biz qazir halyqaralyq uıym­darmen, Dúnıejúzilik densaýlyq saqtaý uıymymen kelissóz júrgizip jatyrmyz. Búgingi tańda DDU usy­nymyna sáı­kes, statıstıkaǵa PTR-diń oń nátıjesi bar jaǵdaılar ǵana kirip otyr. Sondaı-aq elimizdiń Densaýlyq saqtaý mı­nıstrligi dál osy máselege baılanysty Dúnıejúzilik densaýlyq saqtaý uıymyna suranys jiberdi. Kelissózder arqyly esepke alynýy tıis málimetterge qatysty ortaq sheshimge kelemiz. Árbir eldiń statıstıka men esepke alýǵa qatysty óz joly bar. Biz sony birizdendirip, barlyq elmen qatar júrgimiz keledi», dedi vıse-mınıstr.