«Barystyń» baǵyty aıqyn

Jýyrda qazaqstandyq BAQ eldegi jaǵdaıǵa baılanysty «Barys» turaqty birinshiliktiń bıylǵy maý­­symyna qatysa almaı qalýy áb­den múmkin ekenin ha­barlaǵan. Dese de QHL prezıdenti Alekseı Morozov elorda komandasy týr­nırge qatysýǵa nıetti ekenin jet­kizdi. Al klýb baspasóz qyzmeti eldegi qatańdatylǵan karantın sharasy 2 ta­myzǵa deıin sozylǵan soń «Barys» maýsym aldyndaǵy jattyǵý jıynyn 3 tamyzǵa aýystyrǵanyn habarlady. De­mek komanda jattyǵý jıynyn ótkizýdi josparlap otyrsa, QHL-dyń bıylǵy maýsymyna qatysady degen sóz. Qazir Iýrıı Mıhaılıs basshylyǵyndaǵy koman­da maýsym aldyndaǵy daıyndyǵyn qalaı ótkizemiz dep bas qatyryp jatqanda, klýb­tyń jazǵy transferine sholý jasap kó­reıik.

Bıylǵy birinshilik pandemııaǵa baılanysty mejelegen ýaqytynan buryn aıaqtalǵannan keıin, «Barys» sapynan komandany órge súıregen birneshe oıynshy komandadan ketti. Atap aıtqanda, bas bapker Andreı Skabelkadan bastap, qaqpashy Eddı Paskýale, tasqamal qorǵaýshy Atte Ohtamaa, ótken maýsymda «Barystyń» eń úzdik shabýylshysy atanǵan Korben Naıt pen taǵy bir tájirıbeli shabýylshy Iıro Pakarınen aldaǵy maýsymda QHL-dyń óz­ge komandalarynda óner kórsetetin bol­dy.

Sondaı-aq qazaqstandyq koman­danyń sapynan ketkender arasynda óz jer­les­terimiz Madııar Ybyraıbekov, Damır Rysbaev, Maksım Semenov, Tal­ǵat Jaılaýov jáne kanadalyq Das­tın Boıd syndy oıynshylar bar. Otan­dastarymyzdyń arasyndaǵy eń tájirı­belisi Maksım Semenov pen Talǵat Jaı­laýov ekeni daýsyz.

QHL-dyń jańa maýsymy bas­talýyna shamamen bir jarym aıǵa jýyq ýaqyt qaldy. Al «Barys» áli transfer bazarynda belsendi emes. Degenmen joǵaryda klýbtan ketken oıynshylardyń ornyn basady degen úmitpen shetten úsh hokkeıshi kelisimshartqa otyrdy. Máselen, ótken aıda klýb quramy fınlıandııalyq qaqpashy Ionı Ortıo jáne shvesııalyq shabýylshy Iаkob Lılıamen tolyqty. Sonymen qatar kanadalyq shabýylshy Mett Frettın de karerasyn Nur-Sultannyń «Barysynda» jalǵastyratyn boldy.

Endi osy úsh hokkeıshiniń ótken maý­sym­dardaǵy statıstıkasyna zer salyp kóreıik. 26 jastaǵy Iаkob Lılıa byl­tyrǵy maýsymda Ulttyq hokkeı lıga­synyń «Kolambýs» klýbynda 37 match ótkizip, nebári 5 upaı jınaǵan. Qaq­pashy Ionı Ortıo Shveısarııanyń «Sıýrıh» klýbynyń qaqpasyn 29 matchta qorǵap, orta eseppen ár oıynda 2 shaıba ótkizip alǵan. Sondaı-aq 91,7% qaqpaǵa baǵyttalǵan soqqyny qaıtara bilgen. Al Mett Frettın byltyrǵy maýsymdy «Aq Barstyń» sapynda ótkizip, 60 kezdesýden keıin 33 (11 gol+22 pas) upaı jınaǵan.

Mine, «Barystyń» byltyr koman­dany joǵary orynǵa súıregen hokkeıshilerdiń ornyn basady degen oıynshylarynyń nátıjesi. Komanda úshin qanshalyqty tıimdi transfer bolǵanyn aldaǵy maýsymnyń enshisine qaldyrdyq. Endi bir jarym aıdyń ishinde «Barys» ja­ńa oıynshy alady degenge sený qıyn. О́ıt­keni pandemııaǵa baılanysty klýb­tyń qarjylyq jaǵdaıy ótken jylmen salystyrǵanda asa máz emes. Onyń ústine klýb tizginin qolyna alǵan bas jat­tyqtyrýshy Iýrıı Mıhaılıs óziniń bir suhbatynda jastarǵa senim artaty­nyn aıtqan edi. Bálkim, aldaǵy ýaqyt­ta «Barystyń» jastar komandasy sana­latyn «Nomad» jáne «Snejnye Bar­sy» quramynda óner kórsetken jas hokkeı­shiler QHL-da baq synaýy da ǵajap emes.

Aıtpaqshy osydan birer kún buryn «Barystyń» bas menedjeri Vıacheslav Belan AllHockey.ru basylymyna suhbat berip, klýbtyń alǵa qoıǵan maqsaty árdaıym joǵary orynnan kóriný kerek ekenin aıtypty. «Klýbtyń basty maqsaty – Gagarın kýbogynyń pleı-off kezeńine deıin jetý. Múmkindiginshe byltyrǵy je­tis­tigimizden joǵary nátıje kór­setý», depti ol.