Mýzeı qyzmetkeri Saǵat Qalıasqarovtyń aıtýynsha, kúmis er Aqtoǵaı aýdanynyń týmasy, Tashkent qalasynda turǵan soǵys ardageri Múbáraksha Túsipbekovke tıesili bolǵan.
Al bul jádigerdi murajaıǵa aqsaqaldyń inisi, atalǵan aýdannyń ortalyǵynda turatyn Ǵadilsha Túsipbekov tapsyrypty.
Qundy jádigerdiń sheberdiń qolynan shyqqany kórinip tur. Erdiń aldyńǵy qasy kúmispen áshekeılengen. О́rnektiń dál ortasyna qyzyl-qońyr tústi dóńgelekshe asyl tas ornatylǵan. Kúmis er qazirgi tańda arheologııalyq-etnografııalyq mýzeıdiń ólketaný zalyndaǵy qundy jádigerler qatarynda saqtaýly.
Qaraǵandy oblysy,
Aqtoǵaı aýdany
