Qazirgi tańda 26 jastaǵy qorǵaýshynyń qyzmetine Italııa A serııasyndaǵy «Napolı», «Lasıo», «Roma» jáne «Torıno» klýbtary qyzyǵýshylyq tanytyp otyr. Sondaı-aq buǵan deıin «Inter» komandasy da Ýmtıtıdi óz quramynda kórgisi keletinin málimdegen edi.
2018 jyly Fransııa quramasymen birge álem chempıony atanǵan Samıýel Ýmtıtı «Barselona» klýbyna 2016 jyly Fransııanyń «Lıon» komandasynan aýysyp kelgen edi. Bıylǵy maýsymda qorǵaýshy jaraqatyna baılanysty birneshe oıynǵa qatysqan joq. Bir jyldyń ishinde ol «Barselona» quramynda bar-joǵy 18 match ótkizdi.
