Bul rette, jolústi jaıaý júrginshiler ótpesi turǵyndardyń qaýipsiz ótýi úshin qorshaýly-eskertý dabylymen jáne jaryqpen jaraqtandyrylǵan. Buǵan deıin shaǵyn aýdan turǵyndaryna emhanaǵa, balalar baqshasyna, mektepke jetý qıyn soǵatyn, tipti temirjol astymen tartylǵan sý ótkizý turbasy arqyly da ótýge týra keletin.
Bul jerde taǵy avtomobıl joly bar, alaıda ol aýyldan alshaq jerden ótedi. Jaıaý júrginshiler ótpesin salý týraly máseleniń talqyǵa túskenine de kóp boldy.
– Jol ústi betondy jaıaý júrginshiler ótpesi temir joldy kesip ótetin azamattar qaýipsizdigi deńgeıin arttyrady. Onyń jalpy uzyndyǵy 10 metrdi, al eni 1 metr 93 santımetrdi quraıdy. Biz adamdardyń ózekti máselesin sheship, kómek kórsete alǵanymyzǵa óte qýanyshtymyz, – deıdi Atyraý magıstraldyq jeli bólimshesiniń bas ınjeneri Saǵyn Seıilhanov. Balalar men olardyń ata–analary da dán rıza.
– Biz balalar mektepten oralǵansha olar úshin alańdaıtynbyz. Endi osyndaı jańa qaýipsiz jaıaý júrginshiler ótpesi úshin temirjolshylarǵa óte rızamyz, – dep aǵynan jaryldy jergilikti turǵyn Nurbıǵa Dáýletbaeva.
