BALALAR DIABETIMEN QALAI KÚRESEMIZ?

Búgingi tańda qant dıabeti men semizdik sııaqty aýrýlar eresekterdi bylaı qoıǵannyń ózinde, jas­óspirim balalar ara­syn­da keńinen tarap ketti. Bul qalaı bolǵan degen suraqqa sársenbi kúni “Nur Otan” HDP Ortalyq ap­paratynda “Mekteptegi qant dıabetimen aýyratyn balalar” atty taqyrypta ótken dóńgelek ústelge jınalǵan densaýlyq saqtaý salasynyń mamandary jaýap izdedi. Halyqty áleýmettik qorǵaý jú­ıesin odan ári jetildirý men me­dısınalyq qyzmet kórsetýdi jaqsartý – “Nur Otan” HDP-nyń negizgi nysanasynda júrgen máselelerdiń biri. О́tken jyldyń mamyr aıynda Tuńǵysh Prezıdent qorynyń qoldaýymen Qazaqstan Dıabet qaýymdastyǵynyń “Orta bilim beretin mekemelerde bilim alýshy qant dıabetimen aýyratyn balalar men jasóspirimder pro­blemalaryn sheshý, quqyqtaryn qorǵaý jáne múddelerin tanystyrý úshin respýblıkalyq ata-analar komıtetin qurý” jobasy óz jumysyn bastaǵan bolatyn. Osyǵan baılanysty búgingi tańda elimizdiń kóptegen aımaqtarynda qant dıabetiniń taralý sebepteri jan-jaqty zerttelý ústinde. Qazaqstan balalarynyń ara­synda qant dıabetiniń keń tara­lýy­nyń aldyn alý, bul aýrýdyń etek jaıyp ketýine tosqaýyl qoıý úshin balalar arasyndaǵy salamatty ómir sal­tyn qalyptastyrý úshin “Nur Otan” HDP, Densaýlyq saqtaý mınıstrligi, Bilim jáne ǵylym mınıs­trliginiń Balalar quqyq­taryn qorǵaý komıteti men Dıabet qaýymdastyǵy kúsh biriktirgendi jón kóripti. Atalǵan tórt qurylym arasynda yntymaqtastyq týraly tórt jaqty memorandýmǵa qol qoıyldy. Dóńgelek ústel barysynda ba­lalar arasyndaǵy qant dıa­betiniń keń taralýyna, olardyń durys tamaqtanbaýy, sonymen qatar, ata-ana, bilim berý mekemeleri tara­pynan naqty qadaǵalanbaýy sebep ekendigi atap kórsetildi. Sozyl­maly aýrýlar qataryna jatatyn bul derttiń jarasy jeńil dep kóptegen balalar men olardyń ata-analary bul aýrýǵa onsha mán berip qaramaıdy. Qan quramyndaǵy qanttyń joǵarylaýy ýaqyt óte kele basqa da kúrdeli ári qıyn aýrýlarǵa shaldyqty­ra­tyn­dyq­taryn qaperge almaıdy. Sondyqtan da qant dıabetimen aýyratyn balalardy belgili ýaqyt merziminde tekserip, olardy qatań dıetalyq baqylaýda ustap, minez-qulyq­taryn­daǵy erekshelikterdi baqy­laý­ǵa árbir bilim berý mekemelerinde arnaıy dárigerlerdiń bolýy qatań eskertil­mek. Qoryta aıtqanda, qant dıabeti – shyǵyn kóp jumsalatyn, as­qynsa múgedektikke dýshar etetin sozylmaly aýrý, sondaı-aq mundaı aýrýmen aýyratyn balalardy jazǵy lagerde qabyldamaıdy. Osy sebepti árbir ata-ana óz bala­larynyń durys tamaqtanýyn qatań baqylaýǵa alýy shart. Araı ÚIRENIShBEKQYZY.