Áskerı medısına qyzmetkerleriniń negizgi mindeti áskerı qyzmetshilerdiń densaýlyǵyn saqtaý ekendigine qaramastan, áskerı-medısınalyq qyzmet resýrstary azamattyq densaýlyq saqtaýǵa kómek kórsetýge baǵyttaldy.
Aǵymdaǵy jyldyń 16 shildesinde Almaty qalasy áskerı gospıtaliniń azamattyq personalynyń jekelegen ókilderiniń epıdemııaǵa qarsy is-sharalarǵa qatysqany úshin olarǵa aı saıynǵy ústemeaqy tóleýge qatysty faktisi boıynsha Qorǵanys mınıstrligi óz ustanymyn bildirdi. Qorǵanys vedomstvosy qoldanystaǵy zańnamada kózdelgen barlyq mindettemelerdi oryndap, ınfeksııamen kúreske tartylǵan medısına qyzmetkerlerine ústeme aqy tóleý máselesin sheshýmen aınalysady. Bul másele Qorǵanys mınıstriniń qatań baqylaýynda. Máseleni sheshý jáne normatıvtik-quqyqtyq bazany ózgertý Qorǵanys mınıstrligine ǵana baılanysty emes. Sondaı-aq onyń oryndalýy belgili bir ýaqytty talap etedi. Densaýlyq saqtaý mınıstriniń 2020 jyldyń 4 sáýirindegi "COVID-19 koronavırýsymen kúres sheńberinde epıdemııaǵa qarsy is-sharalarǵa tartylǵan densaýlyq saqtaý uıymdarynyń jumyskerlerin qarjylyq qoldaýdyń keıbir máseleleri týraly" buıryǵyna tolyqtyrýlar engizý quzyretti memlekettik organdarmen pysyqtalýda. Aǵymdaǵy jyldyń mamyr aıynda Qorǵanys mınıstrligi Densaýlyq saqtaý mınıstrligine tolyqtyrýlar engizý jóninde jáne Qarjy mınıstrligine koronavırýsqa qarsy kúres sheńberinde epıdemııaǵa qarsy is-sharalarǵa tartylǵan medısına qyzmetkerlerin qarjylyq qoldaýǵa qajetti aqshalaı qarajattyń qajettiligin esepteý jóninde tıisti usynystar jiberdi. Aǵymdaǵy jyldyń 17 shildesinde Qarjy mınıstrliginen mınıstrdiń mindetin atqarýshy tulǵanyń qoly qoıylǵan 16.07.2020 j. shyǵ.№ 23-12/2233 hatyndaǵy jaýaby alyndy. Onda Qarýly Kúshterdiń medısına qyzmetkerlerine ústemeaqy tóleý qarastyrylmaǵandyǵy aıtylǵan. О́ıtkeni olar "Áskerı qyzmet jáne áskerı qyzmetshilerdiń mártebesi" týraly QR Zańyna sáıkes laıyqty aqshalaı úlespen turǵyn úı tólemderimen qamtamasyz etilgen jáne olarǵa qoldanylatyn barlyq kózdelgen jeńildikter bar ekendigi aıtylǵan. Alynǵan jaýapqa qaramastan, Qorǵanys mınıstrligi osy máseleni sheshý boıynsha jumysty jalǵastyrady. О́ıtkeni áskerı medısına qyzmetkerleri ózderiniń azamattyq áriptesterimen osyndaı kúrdeli jáne qaýipti jaǵdaılarda qazaqstandyqtardyń ómiri úshin teń jaǵdaıda kúresýde. Olardy qarjylyq qoldaý máselelerinde bólýdi búkil el qaýip-qatermen kúreste toptasqan kezde ádiletsiz dep sanaımyz. Biz bul másele joǵary deńgeıde oń sheshimin tabady degen senim mol. Qajetti túzetýler engizilgennen keıin áskerı mekemelerdiń medısına mamandaryna ústemeaqy tólenedi.
