Ǵalymdardyń aıtýynsha sımpomdaryna baılanysty 6 tıpke bólinetin aýrýlardyń osyǵan sáıkes aýyrlyq dárejesi de túrlishe bolady eken. Alǵashqy ekeýin ǵalymdar "tumaý tárizdes" dep belgilepti. Mundaı kezde adamnyń basy synyp, ıis sezbeýmen qatar jótelip, tamaq aýyratynyn aıtady. Birinshisinde keýde tusy men bulshyq etteri aýyrǵanymen bezgek bolmaıtyny ańdalsa, ekinshi tıpinde bezgekpen qatar tábet joǵalyp, pasıenttiń keýdesi syryldaıdy eken.
Úshinshi tıpte asqazan-ishek joldarynyń jumysy buzylyp, ish ótip, asqa tábet bolmaı, keýde tusy aýyrady, biraq jótelsiz júredi delinse, tórtinshi túrde bas aýyrady, ıis sezý joǵalǵan ústine jótel býyp, bezgek qysyp, keýde syryldaǵanǵa qosaaýyrlap únemi bir sharshaý, turaqty túrde álsizdik boı kótertpeıdi eken.
Besinshi jáne altynshy tıpin ǵalymdar aýyr túrine jatqyzypty. Bul kezde adamdardyń bastary aýyryp, ıis, dám sezýmen qatar tamaqqa degen de tábet joǵalyp, jótel býyp, tamaq, keýde, bulshyq et bári aýyryp, bezgek qysyp, adam esinen shatasady. Al eń sońǵy altynshy formada bas aýyrý, bezgek býyp, ıis, dám sezý, tábet joǵalý, ish ótý, demikkenge qosa keýde men ishi qatar aýyryp, bulshyq etter qan qaqsap, ópke syryldaıdy.
Brıtandyq ǵalymdar bul zertteýlerdiń vırýsty jeńýde dáriger qaýymyna kómekke keletinine senimdilikterin bildirgen.
