Onlaın básekeniń tórtinshi kezeńindegi fınalǵa reseılik Aleksandra Kostenıýk pen álemniń tórt dúrkin chempıony qytaılyq Hoý Ifan shyqty. О́z kezeginde Kostenıýk jartylaı fınalda Iran sportshysy Sarasadat Hademalsharehti 7,5:3,5 esebimen jeńse, qytaılyq shahmat sheberi úndistandyq Hampı Konerýden 6:5 nátıjesimen basym tústi.
Týrnırdiń jartylaı fınalyna joldama berýshi básekede qandasymyz Jansaıa Ábdimálik fınalǵa shyqqan qytaılyq Hoý Ifanmen kezdesken bolatyn. Otandasymyz qytaılyq sportshyǵa laıyqty qarsylyq kórsetkenimen, jeńiske jete almady. Qorytyndy esep – 7,5-3,5.
Aıta keteıik, ár Gran-prı kezeńiniń qatysýshylary ıelengen ornyna sáıkes upaı jınaıdy. Týrnırdiń úsh kezeńi boıynsha eń kóp upaı jınaǵan eki shahmatshy sýperfınalǵa shyǵady.
