Elorda • 20 Shilde, 2020

Elordanyń medısına mekemelerine COVID-19-dy emdeýge arnalǵan jabdyqtar kelip tústi

22 ret kórsetildi

Elorda aýrýhanalary men emhanalaryna koronavırýs pen pnevmonııany emdeý úshin qosymsha medısınalyq jabdyqtar tústi. Sonyń ishinde 150 flýometr, 350-den astam ottegi konsentratory, taıaý kúnderi ókpeni jasandy jeldetýge arnalǵan 50 apparat kelip túsedi. Bul týraly qala ákimdiginiń baspasóz qyzmetine silteme jasaı otyryp Egemen.kz habarlaıdy.

Memleket basshysy Covid-19-ǵa qarsy kúres máselesi týraly keńeste medısına mekemelerin ottegimen jáne basqa da medısınalyq jabdyqtarmen qamtamasyz etýdi tapsyrdy. 

Jaqyn kúnderi qala aýrýhanalary men emhanalaryna taǵy 250-den astam ottegi konsentraty, 350 flýometr, 2 kompıýterlik tomograf jáne t.b. jabdyqtar kelip túsedi. Qala ákimi Altaı Kólginov emhana men aýrýhanadardyń bas dárigerlerimen onlaın jınalys ótkizdi.

Medısına qyzmetkerleri qalada qatań karantın sharalary engizilgennen bastap, dárigerler men medısına mekemelerine júkteme azaıǵanyn atap ótti. Mysaly, jedel járdem stansııasyna túsetin shaqyrý sany 3 myńnan 1 300-ge deıin, eki ese azaıǵan. Elorda ákimi Altaı Kólginov emhanalarda ambýlatorııalyq emdeýdi kúsheıtýdi jalǵastyrý qajetin atap ótti.

Sebebi naýqastardyń 60%-dan astamy birinshi kezekte qaladaǵy emhanalarǵa júginedi. Juqpaly aýrýlar stasıonarlarynyń dárigerleri telemedısına quraldaryn paıdalana otyryp, Covid-19-ben kúresýde óz tájirıbelerimen almasýda.

Sondaı-aq telemedısına aıasynda onlaın-konsýltasııalar ótkizý jalǵasýda. Medısına qyzmetkerleri josparly emdeýge jatýy kerek naýqastardyń densaýlyq jaǵdaıyn qadaǵalaýda, qajet bolǵan jaǵdaıda emdeýge jatqyzady. Osy aptada elordaǵa COVID-19, pnevmonııa jáne basqa da birqatar aýrýlardy emdeý úshin qajetti 80 tonna dári ákelindi.

Sondaı-aq búgin-erteń dári-dármekterdiń kezekti partııasy kútilýde. Medıkamentter qoryn tolyqtyrý, qosymsha medısınalyq jabdyqtar satyp alý, jańa ınfeksııalyq tósek-oryn daıyndaý máseleleri baqylaýǵa alynǵan.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar