Koronavırýs • 20 Shilde, 2020

Shymkenttik dárigerlerdiń jumysyna reseılik áriptesteri oń baǵa berdi

78 ret kórsetildi

Shymkent qalasy aqparattyq-kommýnıkasııalyq ortalyǵynda ótken onlaıfn brıfıngte shahardaǵy Densaýlyq saqtaý basqarmasy basshysynyń mindetin atqarýshysy Tımýr Varzılov pen Reseıden kelgen joǵary dárejeli reanımatolog Denıs Svetkov qaladaǵy epıdemıologııalyq ahýal tóńireginde baıandady, - dep habarlaıdy Egemen.kz

Tımýr Varzılovtyiń málimdeýinshe, qazirde Shymkentte epıdemıologııalyq jaǵdaı turaqty. Naýqastarǵa qajetti medısınalyq kómek berilýde.

- Shymkent qalasynda 2020 jylǵy 20 shilde kúngi málimet boıynsha 4453 COVID-19 jaǵdaıy tirkelgen. О́tken táýlikte 53 koronavırýs juqtyrǵan. Jazylyp shyqqan naýqastar sany - 2768. Jalpy búgingi kúni qala boıynsha 3860 tósek oryn bar (650 - ınfeksııalyq tósek, 3210 - provızorlyq tósek), onyń ishinde bos tósek-oryndar sany 1809 – (284 – ınfeksııalyq, 1525 – provızorlyq tósek). Aýyr dárejedegi naýqastar úshin ınfeksııalyq stasıonarlarda 60 reanımasııalyq tósek-oryn, provızorlyq stasıonarlarda 91 tósek-oryn bar. Sondaı-aq qaladaǵy emhanalarda qosymsha 628 tósek-oryn kúndizgi stasıonar uıymdastyrylǵan. Shymkentte 2020 jyldyń 1 qańtar men 17 shilde aralyǵynda pnevmonııanyń 11035 jaǵdaıy tirkelip, onyń ishinde 8944 naýqas emdeldi. Bul rette qalanyń medısınalyq mekemelerinde búgingi kúni 339 ókpeni jasandy jeldetý apparaty (IVL), 673 "Bobrov" tynys alý apparattary qoldanylady. Qosymsha 2 aýrýhanada ottegi stansııasyn iske qosý boıynsha jumystar júrgizilýde. Bir aı ishinde taǵy 3 aýrýhana qosylady. 2020 jylǵy 17 shildedegi jaǵdaı boıynsha testter qory – 12456, bir kúndik 609 PTR (polemerazdy tizbekti reaksııa) ótkizilgen, - dedi T. Varzılov.

Sondaı-aq brıfıngte Shymkentke arnaıy tájirıbe almasý maqsatynda kelgen joǵary dárejeli reanımatolog D.Svetkov jergilikti dárigerlerdiń koronavırýsqa qarsy atqaryp jatqan jumystaryna oń baǵasyn berdi.

- Baıqaǵanymyz, qazirgi ýaqytta jergilikti dárigerler shtatty rejımde jumys istep, aýrýhanaǵa túsken kez kelgen naýqasqa sapaly medısınalyq kómek kórsetýde. Naýqastardyń stansıonarǵa kelip túsken ýaqytynan bastap, tolyq emdeý jumystarynyń júrgizilýin kórip shyqtyq. Bul turǵyda barlyǵy durys. Shymkent qalasyndaǵy aýrýhanalarda ıntensıvti terapııany qajet etetin aýyr jaǵdaıdaǵy naýqastar jansaqtaý bóliminde em alýda. Buǵan qosa olarǵa respıratorlyq terapııa boıynsha em júrgiziledi eken. Bul óte jaqsy. Álemdik medısına deńgeıinde qoldanylyp jatqan emdeý tásilderiniń biri jasandy jeldetý men ınvazııalyq jeldetý apparatyn qoldana otyryp, aýyr jaǵdaıdaǵy naýqasty aman alyp qalý. Bul tásildi jergilikti mamandar jaqsy meńgergen. Shymkentte naýqastarǵa kásiptik medısına mamandarynyń kómegi qoljetimdi. Qala turǵyndarygna aıtarym, aýrý bastalǵan sátten bastap, medısınalyq kómekke júginińizder, - dedi reseılik dáriger.

Aıta ketsek, Reseıden kelgen medısına mamandary qaladaǵy birneshe medısına uıymdaryn aralap, emdeý taktıkasy boıynsha jergilikti dárigerlermen tájirbıe almasýda. Jalpy shet elden 7 maman kelgen. Onyń 3-eýi reanımatolog-dáriger jáne 4 ınfeksıonıst.

Brıfıngte Densaýlyq saqtaý basqarmasy basshysynyń mindetin atqarýshysy T. Varzılov búgingi tańda Shymkentte dári-dármek qory jetkilikti ekenin de atap ótti.

- Qalada dári-dármek quraldary men medısınalyq qural-jabdyqtardyń 10 iri kóterme jetkizýshisi bar. Tirkelgen 730 dárihananyń 560-y jumys isteıdi. Jalpy, sońǵy 7 kún ishinde Úkimet tarapynan arnaıy bólingen 2 ushaqpen jáne farm kompanııalarynyń birjolǵy ruqsatymen bir ushaq, Úndistan, Reseı, Ýkraına, О́zbekstan elderinen 9 júk kóligi jetkizildi. Bir jolǵy ruqsatpen 8 farm kompanııasyna dárilik zattardy qalaǵa ákelýge ruqsat berildi. Dári-dármekter qalanyń barlyq iri jeke dárihanalaryna jáne 13 emdeý mekemelerine jetkizildi. Búgingi kúni qalada dárilik zattardyń negizgi qory jetkilikti. Onyń ishinde temperatýrany tómendetetin 47500 qorap, vırýsqa qarsy preparattardyń 71300 qorap, 65300 antıbıotık, 39658 antıkogýlıanttar, s – 22400 vıtamıni, 453122 jeke qorǵanys quraldary bar, - dedi T. Varzılov.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar