О́ńirlik kommýnıkasııalar qyzmetinde ótken brıfıngte osyndaı derekterdi keltirgen oblystyq Qoǵamdyq densaýlyq basqarmasynyń basshysy Marat Pashımov qazirgi tańda naýqastar arnaıy hattama boıynsha em qabyldap jatqanyn málimdedi. Sondaı-aq dárilerdiń kelýin jáne tıisti mekemelerge durys taratylýyn, dárihanalarda belgilengen baǵada satylýyn qadaǵalaıtyn arnaıy shtab qurylǵanyn jetkizdi. Qazir kúndelikti qoımadan dárilerdiń aýrýhanalar men dárihanalarǵa úlestirý, sondaı-aq satylý baǵasyna monıtorıng jumystary júrgizilýde. Osy aptanyń sońyna deıin óńirde 22 túrli dári-dármektiń 128 myńnan astam danasy dárihana sórelerine satylymǵa shyǵady. Budan bólek, Túrkııa elinen oblysqa 41 túrli eýropalyq sapasy joǵary dárilik zattar jetkizildi. Oblystaǵy dári-dármek jetispeýshiligin joıý maqsatynda ótken aptada Túrkistan qalasyna 136 túrli 2 tonna dári-dármek kelse, keshe 20 mln teńgege 140 túrli dárilik preparattar jetkizildi. Dárihanaǵa túsken dáriler shekti baǵamen satylady. Bul prosesti arnaıy monıtorıngtik top baqylaıdy. Dári-dármekter jergilikti ákimdiktermen memorandýmǵa otyrǵan 153 dárihanaǵa taratylady. Memorandýmda ákimdik pen dárihana mindettemeleri aıqyn kórsetilgen. Iаǵnı aýdan-qala ákimdikteri medısınalyq zattar men dárilik preparattardyń satylymǵa shyǵýyn úılestiredi jáne baqylaıdy. Antıbıotıkter men antıkoagýlıanttar dáriger jazyp bergen resept boıynsha ǵana bosatylsa, ózge dáriler de bir adamǵa eki danadan ǵana satylady. Dárihana ıesi Densaýlyq saqtaý mınıstrligi bekitken hattamaǵa sáıkes satylymdaǵy dárilik zattyń 41 ataýy jáne shekti baǵasy jazylǵan tizimdi dárihanaǵa adam kózine birden túsetin jerge ilip qoıýy tıis.
Túrkistan oblysy
