Jyl sońyna deıin taǵy 100 myńnan astam qazaqstandyqqa páter kilti tapsyrylady dep josparlanǵan. Jalpy, turǵyn úı qurylysyna 688 mıllıard teńge ınvestısııa salynady degen boljam bar.
Kórsetilgen qoldaýdyń ashyqtyǵyn qamtamasyz etý maqsatynda bıyl tiziminiń biryńǵaı respýblıkalyq bazasy iske qosyldy. Osylaısha, bıyl 6 naýryz ben 1 maýsymǵa deıingi aralyqta ákimdikter 32 309 azamatty kezekten shyǵardy. Qazir baspana kezeginde 529 610 adam tur.
Memleket basshysynyń tapsyrmasyn júzege asyrý maqsatynda turǵyn úı qurylys jınaq banki negizinde «Otbasy banki» tolyqqandy damý jáne qoldaý mekemesin quryp, mindetti jınaqtaý júıesin engizý arqyly turǵyn úı saıasatyn damytý sharalary ázirlenýde. Sondaı-aq, 2020 jyldyń aıaǵyna deıin «Otbasy banki» memlekettik derekter bazasy qoljetimdi bolady.
Qazirgi ýaqytta turǵyn úı máselelerin sheshý joldaryn ázirleý úshin jańa tetik engizý usynylady: jeke turǵyn úı qorynda jalǵa berilgen turǵyn úı úshin tólemdi sýbsıdııalaý, 5 jylǵa jaldaý aqysynyń 90% sýbsıdııalaý usynylady. Eger bul tetik iske asyrylsa, 94 myń otbasyǵa qoldaý kórsetiledi.
Búgingi tańda respýblıka boıynsha 6,5 myńǵa jýyq aýyldyń 3,5 myńynyń odan ári damý múmkindikteri zor. Sonymen qatar, jumys berýshi shyǵyndaryn sýbsıdııalaý arqyly aýyl sharýashylyǵy jumysshylaryn qoljetimdi baspanamen qamtamasyz etý tetigin qarastyrý usynylady. Ol úshin jumys berýshiler tıptik joba boıynsha turǵyn úıdi óz qarajaty esebinen salý kerek. О́z kezeginde memleket úıdiń belgilengen qunynyń 50% respýblıkalyq bıýdjetten sýbsıdııalaıdy.
Shalǵaıdaǵy eldi mekenderge basa nazar aýdarý qajet. Bul bolashaqta bilikti mamandardy aýyldyq jerlerge tartýǵa múmkindik beredi. Atalǵan mehanızmdi iske asyrý aýyldyq jerlerde ómir súrýge degen qyzyǵýshylyqty arttyrady. Jastardyń aýyldarǵa oralýyn jeńildetedi jáne sol arqyly aýyl turǵyndarynyń turaqtaýyn qamtamasyz etedi.
Qalalar men aýyldardy sapaly sýmen jabdyqtaý jáne káriz júıesi qyzmetterimen qamtamasyz etý maqsatynda 111 mıllıard teńgege 315 joba júzege asyrylýda. 2020 jyldyń birinshi jartyjyldyǵynda óńirlerge 44,1 mlrd. teńge qarastyrylǵan. Aýyl turǵyndaryn sýmen jabdyqtaý qyzmetterimen qamtamasyz etý boıynsha júrgizilip jatqan sharalar týraly jáne kórsetiletin qyzmetterdiń ashyqtyǵy týraly halyqty aqparattandyrý úshin ınteraktıvti karta jasaldy. Onda ár aýyldyń derekteri kórsetilgen, onyń ishinde: halyqqa qyzmet kórsetý, ony uıymdastyrý, jelilerdiń uzyndyǵy, salý jáne qaıta qurý kezeńi kórsetilgen.
Turǵyn úı-kommýnaldyq sharýashylyǵyn jańǵyrtý maqsatynda 9,4 mlrd. teńgege 6 joba júzege asyrylýda. Tutastaı alǵanda, qabyldanǵan sharalar kommýnaldyq jelilerdiń tozýyn 55% deıin tómendetedi.
Sonymen birge Memleket basshysynyń tapsyrmasy boıynsha karantın engizilgen eldi mekenderdiń azamattaryna kommýnaldyq shyǵyndardy óteý tetikteri jasaldy. Búgingi tańda kommýnaldyq qyzmetterge aqy tóleý shyǵyndary 720 myń qazaqstandyqqa qaıtaryldy.
Qurylys ındýstrııasyn qoldaý maqsatynda otandyq qurylys ındýstrııasyn damytý boıynsha sharalar qabyldanýda. Búgingi tańda turǵyn úı jáne óndiristik ǵımarattar, áleýmettik nysandar, ınfraqurylymdar qurylysynda 934 mlrd teńgege negizgi materıaldardyń qurylys ónimderi qajet.
Otandyq kásiporyndar 586 mlrd teńgege qurylys materıaldaryn shyǵarady, al 348 mlrd. teńgege ımporttalady. 33 jańa joba iske asyrylýda, onyń 25 jobasy 2020 jyly engiziledi. Nátıjesinde ımport úlesi 15% -ǵa tómendeıdi jáne turǵyn úı qurylysynda qazaqstandyq ónimdi paıdalaný 90%-ǵa deıin artady.
Qurylys prosesteriniń sapasy men ashyqtyǵyn baqylaý úshin "E-Qurylys" júıesi engizilýde. Bul baqylaý men jáne tekserýlerdi qysqartyp, memlekettik fýnksııalardyń edáýir bóligin avtomattandyrýǵa múmkindik beredi. Budan ári "E-Qurylys" júıesi qurylys ındýstrııasynyń barlyq sýbektileri úshin biryńǵaı onlaın alańǵa aınalady.
Búgingi kúni osy júıeni testileý aıasynda "E-Qurylys" júıesiniń atrıbýty bolyp tabylatyn memlekettik arhıtektýra-qurylys baqylaý organdaryna tehnıkalyq baıqaýlardyń aı saıynǵy esepterin berýdi avtomattandyrý boıynsha jumys aıaqtaldy. Bul júıe qoldanysqa 2021 jyldyń sońynda beriledi dep josparlanǵan.
Turǵyn úı-kommýnaldyq ınfraqurylymyn baqylaý jáne basqarý prosesin qamtamasyz etý úshin E-SHANYRAQ aqparattyq júıesi engizilýde. Mundaı ekojúıeniń jumys isteýi kommýnaldyq qyzmetterdiń ashyqtyǵyn jáne turǵyndardyń basqarýshy kompanııalarmen qarym-qatynasyn qamtamasyz etedi. Ortalyqtandyrylǵan málimetter jınaý jáne E-SHANYRAQ aqparattyq júıesinde derekterdi saqtaý týraly erejeler bekitildi.
Sondaı-aq jalpyulttyq is-sharalar josparynyń 77-tarmaǵyn iske asyrý aıasynda turǵyn úı qurylysy jáne qosylýdyń enshiles kompanııalaryn qurý arqyly turǵyn úı baǵdarlamalarynyń operatorlaryn qysqartý týraly zań jobasy jasalyp, oǵan qol qoıyldy.
Zańdy iske asyrý úshin Qazaqstan Respýblıkasy Premer-Mınıstriniń buıryǵynyń jobasy ázirlendi.Onyń aıasynda ústimizdegi jyldyń qyrkúıek aıynyń sońyna deıin 22 quqyqtyq aktini qabyldaý josparlanǵan, onyń ishinde Mınıstrliktiń quzyretindegi 5 qaýly jáne 14 buıryq bar.
