COVID-19 Ispanııa ekonomıkasyna eleýli úlesin qosatyn sheteldik týrızm salasyna oısyrata soqqy berdi. Naýryz aıynda bastalyp, 3 aıǵa sozylǵan shekaranyń jabylýy, shildede pandemııanyń qaıta órshýi Pırıneı túbegine kelýshi týrısterdiń sanyn múlde azaıtqan. Onyń salqyny otelder men barlardyń jumysyna áser etip, olar amalsyzdan baǵany kóterýge májbúr bolǵan. 2019 jyly 83,7 mln týrıst qabyldaǵan jaǵajaılarda ıne shanshar oryn tabylmaıtyn Ispan jaǵalaýlary bos qalyp otyr.
Madrıd polıtehnıkalyq ýnıversıtetiniń professory Roberto Senteno jáne Madrıd áleýmettik zertteýler ortalyǵynyń qyzmetkeri Klara Torres Krýs pandemııa zardabyn shekken eýropalyqtar shetelge shyǵýǵa, onyń ústine shildede aýrý qaıtadan burq ete qalǵan Ispanııaǵa kelýge qorqady. El bıliginiń adamdar kóp jınalǵan jerdiń barlyǵynda, tipti jaǵajaılarda betti tumshalamasa 100 eýro aıyppul tóletýi týraly sheshim shyǵarýy da qolaıly bolyp turǵan joq, deıdi.
"Periodico" basylymy ádette týrıster legimen qaınaǵan qazandaı bolyp jatatyn Barselona otelderiniń nebary 20 paıyzy jumys istep turǵanyn, eldegi 300 000 bar, meıramhana, dámhanalardyń búginde 60 000 jabylyp, tamyz aıynda taǵy 25 000 joǵarydaǵy 60 myńnyń qataryn tolyqtyratynyn jazady.
