Sonymen birge, buryn belgilengen múgedektik toby úshin memlekettik járdemaqylardy tóleý aǵymdaǵy jyldyń 17 shildesinde júzege asyryldy.
Sonymen qatar, 9 myńnan astam qazaqstandyq eGov.kz portaly arqyly onlaın rejımde múgedektikti rásimdedi nemese uzartty. Bul múmkindik avtomatty túrde uzartýmen qatar, memlekettik mekemelerde adamdardyń kóp jınalýyn boldyrmaý jáne koronavırýstyq ınfeksııany juqtyrý qaýpin azaıtý maqsatynda múgedektigi bar adamdarǵa berildi. SOVID-19 taralýyna baılanysty shekteý sharalarynyń qoldanylýynyń barlyq kezeńi boıy azamattar múgedektikti belgileý jáne kýálandyrýdan qaıta ótý úshin elektrondyq formatta ótinish bere alady.
О́tinish berý úshin eGov.kz portalynda avtorlaný qajet jáne elektrondyq sıfrlyq qoltańba (budan ári – ESQ) bolýǵa tıis.
Portalǵa kirgennen keıin joǵarǵy oń jaq buryshynda ashylmaly tizim bar batyrmany basyp, "Elektrondyq ótinishter" jáne "Qyzmetke onlaın tapsyrys berý" degendi tańdaý qajet.
Sodan keıin ótinish berýshi óziniń jeke kabınetine kiredi, ol jerde "Qurý" túımesin basý kerek. Sodan keıin siz joldardy toltyrýyńyz kerek ("óńir", "naqty turatyn mekenjaıy", "uıaly telefon" jáne t.b.). "Alýshy" jolynda "Eńbek, áleýmettik qorǵaý jáne kóshi-qon komıtetiniń aýmaqtyq departamenti" tarmaǵyn tańdańyz. Budan basqa, qujattardyń fotoǵa túsirilgen nemese skanerlengen kóshirmelerin qosa berý qajet. Tizimdi "Qajetti qujattar tizimi" siltemesine ótý arqyly kórýge bolady.
Sońǵy áreket ESQ-kilttiń kómegimen ótinimge qol qoıý bolady. Ol úshin "Sertıfıkatty tańdaý» batyrmasyn basý jáne ataýy "RSA..." - dan bastalatyn faıldy tańdaý qajet, sodan keıin júıe ashyq paroldi engizýdi talap etedi.
О́tinish berý nátıjesinde ótinimge jeke kabınette statýs beriledi.
EGov.kz portaly arqyly múgedektikti belgileýge ótinish berý múmkindigi qazaqstandyqtar úshin tótenshe jaǵdaıdy engizý kezinde alǵash ret paıda boldy. Aǵymdaǵy jyldyń naýryz aıynan shilde aıyna deıin osy tásilmen 9 699 azamatqa múgedektik belgilengen.
Esterińizge sala keteıik, buǵan deıingi Úkimet otyrysynda Qazaqstan Respýblıkasynyń Premer-Mınıstri Asqar Mamın qaıta kýálandyrý merzimi karantın kezeńine túspa-tus keletin múgedektik merzimin avtomatty túrde uzartý prosesin jedeldetýdi tapsyrǵan bolatyn.
