Aımaqtar • 21 Shilde, 2020

Lıberaldy zańdardy qatańdatpasa bolmaıdy

60 ret kórsetildi

Jyl basynan beri Soltústik Qazaqstan oblysynda ustalǵan 19 mas júrgizýshi sot arqyly júrgizýshilik kýáliginen aırylǵan, dep habarlaıdy Egemen.kz

Alaıda solardyń kóbi kezekte ret ustalǵansha rólge otyryp, júre beredi. Bul bizdegi zańnyń bostyǵy, sonyń saldarynan týyndaǵan quqylyq nıgılızm degen sóz. Bizde zań talaby qatań bolmasa – ony eshkim de syılamaıdy.

Sondyqtan, mas bolǵany úshin júrgizýshilik kýáligi ǵana alynbaı, kem degende bir jyl bas bostandyǵynan aırylsa – onda júrgizýshi rólge ekinshi ret mas bolyp otyrýdan qorqar edi. Qoryqqan soń zańdy syılar edi. Bizdegi sheteldikterdiń lıberaldy zań jobalaryn kóshirip alyp, parlamentke usynatyn zańgerlerimiz ondaıdy elemeıdi. Halyqtyń mentalıteti basqa ekenin uqpaıdy.

Sonyń bir mysaly mynadaı: Shal aqyn aýdanynyń polısııasy "MTZ-82" traktoryn aıdap kele jatqanda 48 jastaǵy mas júrgizýshini toqtatqan. Ol ótken kúzde ǵana 3 jylǵa basqarý quqyǵynan aıyrylǵany belgili boldy. Áıteýir, úlken apat jasaýǵa úlgermedi.

Osy oqıǵadan eki kún ótkennen keıin ǵana Jambyl aýdanynynyń egistiktegi jolynda Qostanaı oblysynyń 49 jastaǵy turǵyny «Volkswagen Caravelle» avtokóligin basqara almaı aýdarylǵan. Masań júrgizýshi emdelýge jatqyzyldy. Buryn ol masań kúıde kólik júrgizgeni úshin eki ret jaýapqa tartylǵan. Ekinshi ret ustalǵanda sot sheshimimen 2025 jylǵa deıin kólik basqarýǵa tyıym salynǵan. Al ol bolsa jeńil kólikti zýlatyp júre bergen...

"Masań kúıde kólik basqarý – joldaǵy apattylyqtyń qaýpin týdyratyn jol qozǵalysy erejelerin óreskel buzýshyly", deıdi SQO PD bastyǵynyń mindetin atqarýshy, polısııa polkovnıgi Eńbek Sembın.

Bir sózben aıtqanda, zań qatańdatylmasa, zardap shegý azaımaıdy.

 

Soltússtik Qazaqstan oblysy

Sońǵy jańalyqtar

Shırek fınalǵa ótti

Tennıs • Keshe

Uqsas jańalyqtar