MÁSLIHAT DEPÝTATTARYNYŃ AÝQYMDY QYZMETI

Osydan 5 jyl buryn barlyq deńgeıdegi máslıhat depýtattarynyń basyn quraıtyn respýblıkalyq birlestik qurylǵan bolatyn. Atalǵan merzim ishinde birlestik kóptegen jumystar atqaryp, eki konferen­sııasyn ótkizse, endi úshinshi basqosýlaryna Astanaǵa jınaldy. “Qazaqstan máslıhattary depýtattarynyń birlestigi” respýblıkalyq qoǵamdyq birles­tiginiń III konferensııasyna elimizdiń barlyq aımaqtarynan ókilder keldi. Búginde birles­tik­tiń 3925 múshesiniń 2955-i depýtattar bolyp tabylsa, bul elimizdegi barlyq máslıhat depýtattarynyń 91 paıyzyn quraıdy. Jáne, sonymen birge, birlestiktiń maqsaty men mindetin maquldaǵan 1 myńǵa jýyq adam oǵan múshe bolyp tirkelgen. Esepti merzimde birlestik eldegi barlyq saıası úderisterge belsene qatysty jáne barlyq deńgeıdegi máslıhattardyń kúsh-jigerin osy baǵytta úılestirdi, halyqtyń memlekettiń júrgizip otyrǵan saıasatyna degen oń kózqarasyn qalyptastyrýǵa úlesin qosyp, Qazaqstannyń qoǵamdyq jáne saıası ómirinde eleýli ról atqardy. Osyny aıtqan birlestik tóraǵasy Qasymbek Medıev jınalǵandardy biraz jaıǵa qanyqtyrdy. Máselen, birles­tik­tiń ortalyq keńesi men onyń bıýrosy, son­daı-aq jekelegen depýtattary Qazaqstan Res­pýb­lıkasynyń qoldanystaǵy jáne ázirlenip jatqan zańdarynyń jobasyna usynystar, tolyqtyrýlar men ózgerister daıyndaý jónindegi jumystarǵa belsene qatysqan. Atap aıtqanda, onnan astam zańnamalyq aktilerge usynystar, ózgerister men tolyqtyrýlar engizýge bastamashy bolǵan. Esepti merzim ishinde birlestiktiń ortalyq keńesiniń eki konferensııasy, jeti keńeıtilgen otyrysy, ortalyq keńes bıýrosynyń on segiz májilisi, birneshe “dóńgelek ústelderi” ótkizilipti. Sondaı-aq baıandamada “Qazaqstan máslıhattary depýtattarynyń birlestigi” Parlament Senatynyń Tóraǵasy Qasym-Jomart Toqaevtyń basshylyq etýimen osydan eki jyl buryn qurylǵan Parlament Senatynyń janyndaǵy Jergilikti ókiletti organdarmen (máslıhattarmen) ózara yqpal­dastyq jónindegi keńespen óte nátıjeli jumystar atqarǵany, buqaralyq aqparat quraldarymen tyǵyz baılanysta jumys istegeni zor rızashylyqpen ataldy. Baıandamadan soń ár oblystar men qalalardan kelgen máslıhat hatshylary sóz aldy. Almaty oblysynan Ardaq Sydyq, Kýrchatov qalasynan Shahmurat Tóleýbaev, Pavlodardan Rınat Gafýrov, Qaraǵandydan Qudaıbergen Beksultanov ortaǵa shyǵyp, birlestik jumysyn joǵary baǵalady jáne qoǵamdyq uıymnyń atqarǵan isterine rızashylyqtaryn jetkizip, onyń jergilikti máslıhat tynysyn keńeıtýge kóp úles qosqanyn atap ótti. Ár deńgeıdegi máslıhattar depýtattary bas qosqan jıynnyń sońynda oǵan qatysýshylar birlestiktiń ortalyq keńesiniń jańa tóraǵasy etip Tóleýbek Muqashevty, orynbasarlyǵyna Vladımır Redkokashındi, al “Qazaqstan máslıhattary depýtattarynyń birlestiginiń” qurmetti tóraǵalyǵyna Qasymbek Medıevti saılady. Anar TО́LEÝHANQYZY.