"Memleket basshysynyń "Waste to energy" tehnologııasyn zań júzinde engizý týraly tapsyrmasyna keletin bolsaq, mınıstrlik tıisti zań jobasyn daıyndap, ony Májilis maquldady. Ol kúzde Parlament Senatynda qaralady, - dedi mınıstr. - Men birneshe ret atap ótkenimdeı, bizde orta eseppen, búkil respýblıka boıynsha qaldyqtardy qaıta óńdeý úlesi óte tómen. Barlyǵy 15%. Eýropa elderinde bul kórsetkish 2 ese joǵary - ortasha eseppen 30%. Jasyl ekonomıka tujyrymdamasy boıynsha biz 2030 jylǵa qaraı bul kórsetkishti 40%-ke jetkizýimiz kerek".
Alaıda, mınıstrdiń aıtýynsha, búginde Qazaqstandaǵy qoqys shyǵarý tarıfi tómen ári qatty turmystyq qaldyqtardy óńdeý men joıý shyǵyndary eskerilmegen. Sondyqtan bul salaǵa jeke ınvestorlar kele qoımaıdy.
Osy rette "Waste to energy" tehnologııasy jeke ınvestorlardy qyzyqtyrýy múmkin. Sebebi, qaldyqtardy jaǵý nátıjesinde elektr qýaty óndirilip, jalpy elektr júıesine satylady. Kelesi jyly biz osyndaı zaýyttar salý úshin ınvestorlar arasynda alǵashqy aýksıondar ótkizýdi josparlap otyrmyz. Kim elektr qýatynyń eń tómen baǵasyn usynsa, sol aýksıonnyń jeńimpazy bolady», - dedi mınıstr.
Sonymen qatar, zań jobasynda bul qoqys órteıtin zaýyttardyń «О́nerkásiptik qaldyqtar týraly» Eýropalyq dırektıvasynyń talaptaryna sáıkes jumys isteýi kózdelip otyr. M.Myrzaǵalıevtiń aıtýynsha, Eýropada mundaı zaýyttardaǵy qaldyqtardyń kórsetkishi tómen. Máselen, Venada Shpıttelaý qoqys órteý zaýytynda dıoksınniń qaldyqtaryjylyna 1 gramm ǵana.
«Biz osyndaı zaýyttardy respýblıkanyń 6 pılottyq qalasynda iske qosýdy josparlap otyrmyz. Bul Aqtóbe, Almaty, Atyraý, Nur-Sultan, Taraz jáne Shymkent qalalary. Bolashaq
