Úkimet • 23 Shilde, 2020

COVID-19 boıynsha jedel shtab óńirlerde baqylaýdy kúsheıtýde

31 ret kórsetildi

QR Premer-Mınıstriniń orynbasary E. Toǵjanovtyń tóraǵalyǵymen ótken COVID-19 máseleleri jónindegi jedel shtabtyń otyrysynda memlekettik organdardyń koronavırýspen kúresýde atqaryp jatqan jumystary tyńdaldy, - dep jazady Egemen.kz

Densaýlyq saqtaý mınıstrligi eki apta ishinde jedel sharalardy qabyldaý arqasynda birqatar oń nátıjelerge qol jetkizgenin málimdedi:

  • COVID-19 juqtyrýdyń táýliktik ósimi 4%-dan 2,3-ke deıin tómendedi;
  • saýyǵyp ketkenderdiń sany 60%-ǵa artty;
  • jedel járdemdi shaqyrýlar sany 31%-ǵa, onyń ishinde COVID boıynsha shaqyrýlar 19%-ǵa qysqardy;
  • reanımasııalyq tósek-oryn sany 12%-ǵa, stasıonarlardaǵy tósek-oryn 81%-dan 56%-ǵa deıin tómendedi.

Sonymen qatar, jedel shtab Batys Qazaqstan jáne Qyzylorda oblystarynyń ákimdikteriniń jumysy jetkiliksiz ekenin atap ótti. Densaýlyq saqtaý mınıstrliginiń COVID-19-ben kúres boıynsha  óńirler reıtıngisinde osy oblystarda eń tómen kórsetkishter tirkelgen.

Sondaı-aq, Premer-Mınıstrdiń orynbasary Soltústik Qazaqstan ákimdigine qoldanystaǵy tósek-oryn qorynyń júktemesin azaıtý boıynsha jedel sharalardy qabyldaýdy tapsyrdy.

Ishki ister mınıstrligi aǵymdaǵy jyldyń 5 shildesinen bastap 4,3 myń karantındi buzýdyń anyqtalǵanyn baıandady. Bul rette Pavlodar, Qyzylorda, Qostanaı, Aqtóbe jáne Batys Qazaqstan oblystarynda olardy anyqtaý boıynsha jumystyń jetkiliksizdigi atap ótildi.

Jedel shtab azamattardyń sanıtarlyq jáne betperde rejımin saqtaý máselelerine erekshe nazar aýdardy.

"Biz ómirdiń ár adam úshin qymbat ekendigine jáne qaıtalanbaıtyndyǵyna basa nazar aýdara otyryp, qoǵamnyń sana-sezimi men minez-qulqyn túbegeıli ózgertýimiz kerek. Bizde áli kúnge deıin "maska kómektespeıdi, kımese de bolady, paıdasy joq” dep oılaıtyndar bar. Adamdar áli kúnge deıin faktilerdi emes, ózderiniń jańsaq pikirlerin ǵana basshylyqqa alady. Vırýspen kúres barlyq qazaqstandyqtardy "ortaq maqsat sezimimen" biriktirýi tıis, al karantın rejımin buzǵandardy qoǵam ózi aıyptaýy kerek. Osy jumysty uıymdastyrý memlekettik organdardyń mindetteriniń biri", - dep atap ótti E.Toǵjanov.

Qorytyndylaı kele, E. Toǵjanov pandemııa kezinde azamattardyń ózin-ózi ustaý erejelerin ázirleýdi, óńirlerde karantın rejımin buzýlarǵa qatysty kúndelikti reıdter júrgizýdi jáne birqatar basqa da shuǵyl tapsyrmalardy júktedi.

Sońǵy jańalyqtar

Aqtaý ákimine sógis jarııalandy

Aımaqtar • Búgin, 18:45

Almatyda eki kóshe jartylaı jabylady

Aımaqtar • Búgin, 16:48

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Uqsas jańalyqtar