"Búgingideı qysyltaıań shaqta kóptegen ıgi is-sharalardyń kýási bolyp júrmiz. Sonyń biri - osy aıtys aqyndarynyń bastamasymen jasalyp jatqan aksııa. Bul sharaǵa jeke kásipker retinde demeýshilik kórsettim. Jaǵdaıy tómen on shańyraqqa qarjylaı qoldaý bildirdik", degen qaıyrymdylyq aksııasynyń bas demeýshisi Tolqyn Aqanuly bul indettiń qazaq otbasylaryna ońaı tıip jatpaǵanyn da aıtyp ótti.
Qor ókilderiniń sózinshe, aksııa aıasynda ázirge tek elordalyq turǵyndarǵa kómek kórsetildi. Aldaǵy ýaqytta óńir-óńirdi aralaý josparda bar eken. Aıtysker aqyn Ásem Erejeqyzy ıgi bastama týraly:
- Qurban aıt merekesi qarsańynda bolǵandyqtan áýeli 10 otbasyna 10 qoı aparmaq bolǵanbyz. Keıin aqyldasa kele 42 500 teńgeni qolaı kórdik. Al qordyń ataýyn Abaı atamyzdyń 175 jyldyǵynyń qurmetine osylaı atadyq.
Qor - kásipker, jomart azamattardyń qoldaýymen jumys isteıdi. Tek Nur-Sultan qalasymen ǵana shektelip qalmaı, aldaǵy ýaqytta aımaqtarǵa da shyǵamyz dep jobalap otyrmyz. Abaı bar qazaqqa ortaq bolǵandyqtan, Abaıdyń shapaǵaty da barsha jurtqa tııýi tıis.
Sodan keıin, Abaı esiminiń tóńiregine eldi shoǵyrlandyryp, Abaıdy jan-jaqty ashyp, tápsirlep, nasıhattaýǵa baǵyttalǵan jobalardy qarjylandyrsaq. Abaı arqyly jalpy qazaqtyń ulttyq ustanymyn da nasıhattaýǵa bolady ǵoı. Arnaıy Abaı portaly (ensıklopedııalyq saıt desek te bolar), qysqa rolıkter, qysqametrajdy fılmder, Qara sózderdiń jelisi boıynsha beınefılmder, - dedi.
Aıta keteıik, atalǵan qaıyrymdylyq aksııasy aıtysker aqyndardyń muryndyq bolýymen ashylyp otyr. Dáýletkereı Kápuly, Ásem Erejeqyzy, Serikzat Dúısenǵazy, Aıbek Qalı, Erkebulan Qaınazar syndy qoǵam qaıratkerleri jetekshilik etetin bul qor álemdi jaılaǵan indettiń saldarynan kúızeliske ushyrap jatqan san myńdaǵan áleýmettik jaǵdaıy tómen otbasylarǵa járdem berý maqsatynda qurylǵan.
