Qoǵam • 27 Shilde, 2020

Muhtar Qul-Muhammed: Myńdaǵan otandasymyzdyń ómirine qaýip tóne jazdady

79 ret kórsetildi

Taıaýda Almatyda jalǵan dári-dármekter daıarlaıtyn astyrtyn seh tabylǵany belgili. Teksere kelgende sol dárilerge arnalǵan qorap shyǵaratyn baspahana men olardy saqtaıtyn qoıma da tabylyp, 100 tonnadan astam kúmándi preparattar tárkilendi. Bul týraly Parlament Senatynyń Baspasóz qyzmeti habarlaıdy, dep jazady Egemen.kz

Búkil el bolyp halqymyzdyń alqymynan alǵan tajalmen arpalysyp jatqanda mundaı soraqylyqtyń oryn alýy qoǵamnyń ashý-yzasyn týdyrýda. Sondyqtan Parlament Senaty Halyqaralyq qatynastar, qorǵanys jáne qaýipsizdik komıtetiniń tóraǵasy Muhtar Qul-Muhammed dabyl qaǵyp, elimizdiń Bas prokýroryna hat joldady.

Senat depýtaty bar qazaq bir-birine dos-baýyr retinde kómek qolyn sozyp jatqan qazirgi kezde halyqty aldaǵysy kelgen kásipkerlerdiń is-áreketine der kezinde tosqaýyl qoıý kerektigine nazar aýdarǵan.

"Qazir árbir dárilik preparat pen medısınalyq buıym esepke alynyp, dárigerlerimiz árbir syrqattyń densaýlyǵy men ómirin saqtap qalý úshin janqııarlyqpen kúresip jatqan kezde mundaı sumpaıy kásipkerlerdiń ashkózdigi men aramzalyǵy jaǵany ustatady. Olardyń aram pıǵylynyń aýqymy bizdiń myńdaǵan otandasymyzdyń ómirine qaýip tóndirip, elimizdiń densaýlyq saqtaý júıesine orasan zor nuqsan keltire jazdady", delingen hatta.

Sonymen qatar senator dárilik zattar men medısınalyq buıymdardy satý, taratý jáne saqtaýmen aınalysatyn mekemelerdi, mundaı astyrtyn sehtyń qansha ýaqyt jumys istep, falsıfıkat ónimderdiń qansha mólsherin taratyp úlgerý múmkindigin de arnaıy tekserý kerektigine basa mán bergen.

Shán máninde, qazaqtyń jaqsysy men jaısańyn kún saıyn ortamyzdan julyp áketip jatqanda, álgindeı aramzalardyń áreketteri jaǵdaıdy odan ári ýshyqtyra túsedi. Eger, áıteýir syrqat jannyń dertine shıpa bolar dep saǵattap kezekte turyp alǵan dárisi aldamshy zat bolyp shyqsa, ne bolady? Sondyqtan depýtattyń janaıqaıynan quzyrly organdar nátıje shyǵarady dep senemiz.

Sońǵy jańalyqtar

Tórt klýb top bastap tur

Fýtbol • Búgin, 00:00

Ezop pen Abaı

Rýhanııat • Keshe

Shyndyq pen ótirik

Qazaqstan • Keshe

Aıbardyń armany

Rýhanııat • Keshe

Túrkistanǵa 3000 jyl

Rýhanııat • Keshe

Uqsas jańalyqtar