Suhbat • 28 Shilde, 2020

Júrekjutqan polıseı II dárejeli «Aıbyn» ordenimen marapattaldy

30 ret kórsetildi

Bul ómirde kózsiz erlikke bara alatyn myqty azamattar bar. Biraq kóp jaǵdaıda mundaı úlken júrektiń ıeleri kózge túse bermeıdi nemese olardyń isin baǵalaıtyn orta bolmaı jatady. Al osy zamannyń qaharmandary muny jumys talabyna balap, qarapaıym ǵana tirshilik keship jatyr.

Sondaı beıbit kúnniń batyry – naǵyz polıseı Baqytjan Bákirovtiń basqalarǵa ǵıbrat bolarlyq tamasha erligi týraly osydan birer kún buryn «Egemen Qazaqstan» gazetine maqala jazǵan edik («Na­ǵyz polıseı kúdiktini ustaý úshin 13-qa­battan sekirdi», 24.07.2020 j.). Osy maqala jaryq kórgennen keıin kóp kúttirmeı, qýanyshty habar da kelip jetti. Almatyda pedofıldi ustaǵan polısııa maıory Baqytjan Báki­rov Prezıdent Qasym-Jomart Toqaev­tyń Jarlyǵymen II dárejeli «Aı­byn» ordenimen marapattaldy! «Qyzmettik boryshyn oryndaý kezinde kór­setken erligi men janqııarlyǵy úshin Ishki ister mınıstrligi Almaty qala­sy polısııa de­partamenti Túrksib aý­dandyq polısııa bas­qar­masynyń jedel ýákili Baqytjan Ánýar­bekuly Bákirov II dárejeli «Aı­byn» ordenimen marapattal­syn», de­lin­gen Prezıdent Jarly­ǵynyń mátininde.

Qazaqstandyq polısııa qyzmetker­leriniń abyroıyn asqaqtatqan Baqytjan Bákirov tepse temir úzetin jasta. Túrkistan oblysy Jetisaı qalasynyń týmasy. Baqytjan bala kúninen kúreske, samboǵa qatysyp, shymyrlyǵyn shyńdap ósken. Ol ádilet jolynda kúresken tulǵalar týraly shyǵarmalar, fılmder kórip, olardy ózine úlgi etip er jetedi.

Erlik jasaý, momyn men álsizge arasha túsý, qylmystyń jolyn kesý qashan da naǵyz jigittiń júreginiń túkpirinde jatatyn jasyryn armany bolsa kerek. Osy tilek quqyq qorǵaý salasyn tań­daǵan Baqytjandy adastyrmaǵan eken.

Arman – osylaısha búkil taǵdyryńa aınalady. Alaıda, Almaty qalasyndaǵy Abaı atyndaǵy Qazaq ulttyq pedago­gıkalyq ýnıversıtetiniń zań fakýltetin támamdap, týǵan jerine prokýratýra salasynda tájirıbe jınaqtaýǵa kelgen mamanǵa bastapqyda qyzmeti súreńsiz kórinse kerek. Dál kınodaǵydaı munda shym-shytyryq oqıǵalar, alashapqyn ómir joq. Biraq qadaǵalaý organyna jumys babymen kelgen asa qaýipti qyl­myskerlerdi jedel izdestirý tobyndaǵy jigitterdiń áńgimesi qyzyq, naǵyz polı­seılerdiń ómiri dersiń.

Osydan keıin beıbit kúnniń batyry atanǵan Baqytjan bárin tastap, Almatyǵa qaraı asyǵady.  О́ıtkeni dál osy kezde qalalyq polısııa qyzmetine irikteý júrip jatady. Úsh aılyq daıarlyqtan súrinbeı ótken maman qaladaǵy Túrksib aýdanyna qyzmetke alynady. Sol 2006 jyldan beri talaı jaz, talaı qys ótedi. Osy aralyqta jas maman polısııa maıory atanady.

Esterińizge sala keteıik, naǵyz polıseıge «Aıbyn» ordenin «áper­gen» oqıǵa bıylǵy 11 shil­dede Túrksib aýdanynda jeke úı­ler alabynda bolǵan. Túste Po­krov­skaıa kóshesinde ornalasqan úı­lerdiń birine kúdikti kiltti tań­daý arqyly kirgen. Úıde 2 bala – tórt jastaǵy ul bala men onyń 15 jastaǵy ápkesi bolǵan. Qaskóı pyshaqpen qorqytyp, 17 myń dollardy ıemdenip, sodan keıin qyzdy qorlaǵan. Keıin ál-Farabı dańǵylyndaǵy úıde jasyrynǵan kúdikti polısııadan qashyp turǵyn úıdiń joǵarǵy qabatynan sekirip ketken. Sol kezde polısııa maıory Baqytjan Bákirov onyń sońynan sekirip, mertikkenine qaramastan qylmyskerdi quryqtady. О́kshesi men tabanynan aýyr jaraqat al­ǵan polıseıge úsh ret ota jasaldy.

– Baqytjan, sol kúngi oqıǵa qalaı órbip edi?

– Bizge bir páterde jasy ká­me­letke jetpegen qyz balanyń zor­lanyp, sol jerde aqsha tonaý, ıaǵnı, aýyr qaraqshylyq áre­ketterdiń bolǵany týraly má­li­metter kelip túsken soń, ter­geý-izdestirý toby qury­lyp, kúdiktiniń izine tústik. Aıt­qan­daı, ol buryn da qylmystyq jaýap­kershilikke tartylǵan adam. Tórtinshi kúni bizge onyń jal­dap jatqan páteri men úı ıesin anyqtaýdyń sáti tústi. 11 shilde kúni seriktesim – aǵa leı­tenant Meıir Nesipbaı ekeý­miz kúdikti jasyrynyp jat­qan me­kenjaıǵa attandyq. Ári qaraı qalaı bolǵanyn bilesizder.

Ol kútpegen jerden kelgen «santehnıkterden» seziktenip, terezeden sekirip qashpaq boldy. Mende oılanyp jatatyn ýaqyt bolǵan joq. Qalaıda ony qolǵa túsirýge mindetti edik. Kúdiktiniń sońynan sekirip, ekeýmiz de 11 qabattyń balkonyna quladyq. Ol jantalasyp sytylyp ketpekshi bolǵan, biraq seriktesim jetkenshe ony ustap turdym. Aıaǵym mertikkenin sol kezde bildim. Aıaǵyma jasalǵan úsh ota da jaqsy ótti. Negizinen úıde em­deldim. Aýyrsynýdy basatyn dáriler qabyldap júrmin.

– Kópbalaly áke ekensiz? О́zińiz týraly aıta ketseńiz.

– 19 shildede 37 jasqa toldym. Tórt ulym, eki qyzym bar. Jubaıym bala tárbıelep, úıde bizdiń jaǵdaıymyzdy jasap otyr. Ulymnyń úlkeni – 11-de. Kenje týǵan egizderimiz (bir ul, bir qyz) endi tórt aılyq boldy.

Shynymdy aıtsam, jeksenbi kúni ǵana balalarǵa qaraılasa alamyn. Uldarymnyń sportpen shuǵyldanýyn qadaǵalaımyn. Erkin kúreske barady. Qyzy­myz­dy bı ónerine berdik. Úlken balam dáriger bolǵysy keledi. О́zim­niń ýaqytym tapshy, qolym qalt etkende jattyǵý zalyna baramyn.

– Balalaryńyz da sizdiń Pre­zıdent Jarlyǵymen «Aı­byn» ordenin alǵanyńyzǵa qýanyp jat­qan bolar?

– Árıne bári de qýanyp jatyr. Búgin bizdi quttyqtap gene­raldyń ózi keldi. Sodan keıin Ish­ki ister mınıstri de habar­la­syp quttyqtady. Tezirek saýy­ǵyp ketýimizdi tilep jatyr. Ju­mys­­taǵy jigitter de qut­tyq­tap jatyr. Novosibir, Kras­no­dar­daǵy dostarym habarlas­ty. Olar birin­shi meni sol 13-qabattan 1-qabatqa sekirdi dep oılapty. Kóz­deri sharadaı bolǵan. Memle­kettik marapatymmen áli de qut­tyqtap jatqandar bar.

Biz de óz tarapymyzdan beıbit kúnniń batyry – Baqytjandy joǵary deńgeıli marapatymen quttyqtap, oǵan «izińizden ergen batyrlar kóbeıe bersin! Elimiz aman, jerimiz tynysh bolsyn», degen tilegimizdi jetkizdik.

 

ALMATY

 

Sońǵy jańalyqtar

Aısberg aqıqaty

Ádebıet • Keshe

Joq kitapty izdeý

Ádebıet • Keshe

Krest-kedergi...

Ádebıet • Keshe

Zaısanda mal qyrylyp jatyr

Aımaqtar • Keshe

Uqsas jańalyqtar