Qajylyq alty kúnge sozylyp, tamyz aıynyń ekisinde aıaqtalady.
Bıylǵy jyly qajylyqqa baratyn musylmandarǵa birqatar sanıtarlyq shekteý qoıyldy. Atap aıtqanda, Saýd Arabııa bıligi áleýmettik qashyqtyqtyń saqtalýyn jáne kúsheıtilgen sanıtarlyq-gıgıenalyq sharalardy qadaǵalaıtyn atap ótti.
Mysaly, "Jyndy uryp-soǵý" rásimi aıasynda paıdalanylatyn barlyq tas antıseptıktermen óńdeledi. Sondaı-aq qajylyq jasaýshylar Qaǵbaǵa qoldaryn tıgizip, ıa súıe de almaıdy. Rásimderdi oryndaý barysynda betperdi taǵyp júrý mindettelgen.
Budan bólek, barlyq qajy ótken jeksenbiden bastap qatań karantındik rejimdi ustanyp júr. Ádette, jyl saıyn qajylyqqa myńnan emes, mıllıondaǵan adam qatysatyn edi. Sebebi ótken jyly Saýd Arabııasyna 2,5 mln-nan astam qajy kelgen.
