Parlament • 28 Shilde, 2020

Nurlan Nyǵmatýlın: Májilis depýtattary aımaqtarda jumystaryn jalǵastyrýda

32 ret kórsetildi

Májilis Tóraǵasy Nurlan Nyǵmatýlınniń pikirinshe, Parlament sessııasy aıaqtalǵannan keıin dástúrli túrde uıymdastyrylatyn depýtattardyń aımaqtardaǵy jumysy bıyl erekshe mańyzǵa ıe. Bul týraly Parlament Májilisiniń Baspasóz qyzmetine silteme jasaı otyryp Egemen.kz habarlaıdy.

Qazir tek Qazaqstanda ǵana emes, búkil álemde oryn alǵan koronavırýs indeti barlyq qyzmet salalarynda, onyń ishinde depýtattardyń jumysyna óz áserin tıgizdi. Májilis Tóraǵasy Nurlan Nyǵmatýlın jyl saıyn depýtattardyń dástúrli túrde uıymdastyrylatyn aımaqtarǵa sapary ózgerip, Májilis depýtattary óńirlerde qoǵamdyq baqylaý aıasynda koronavırýs indetimen kúreske aralasyp júrgenin aıtty.

"Parlamenttik demalys" – bul qalyptasqan túsinik. Sebebi, jumys jalǵasýda. Tek jumys barysy Parlament qabyrǵasynan aımaqtarǵa aýysty. Bıyl biz májilismenderdiń dástúrli kezdesýleriniń formatyn ózgerttik. Basty maqsatymyz saqtaldy. Ol – elimizdiń barlyq shet jáne shalǵaı aýylaryna barý. Depýtattar Qoǵamdyq baqylaý aıasynda dárihanalar jelilerine monıtorıng júrgizip, aýrýhanalardy aralady. Halyqty qajetti dári-dármektermen qamtamasyz etýdi baqylaýǵa alyp, dárigerlerdiń jumys jaǵdaılarymen tanysty. Májilismender gýmanıtarlyq kómektiń jetkizilýi men taratylýyn qadaǵalap, kómekke muqtaj turǵyndardyń ótinishterin qabyldady. Depýtattar volonterlik ortalyqtardyń jumysyna da belsendi qatysýda. Áriptesterimizdiń qoldaýymen koronavırýs indetiniń áserinen qıyn jaǵdaıǵa tap bolǵan turǵyndarǵa azyq-túlikter jetkizildi. Búgingi tańda májilismenderdiń belsendi jumysyn áleýmettik jelilerden baıqaýǵa bolady. Bizdiń kóptegen áriptesterimiz Facebook-tegi paraqshalarynda aımaqtardaǵy jumystary týraly únemi jarııalap otyrady. Mysaly, depýtattar Nurtaı Sabılıanov, Snejanna Imasheva, Azat Perýashev, Aıgúl Nurkına, Gúlnar Bıjanova, Irına Smırnova, Záýresh Amanjolova, Aıqyn Qonyrov, Magerram Magerramov, Nurjan Altaev, Merýert Qazybekova jáne basqalar", dep atap ótti Nurlan Nyǵmatýlın.

Sonymen birge, Májilis Tóraǵasy depýtattar qaıyrymdylyq kómek kórsetip, halyqqa qıyn ýaqytta qoldaý kórsetý úshin qaıyrymdylyq jobalaryna qatysyp jatqandaryn aıtty.

Májilis Tóraǵasy sessııa barysynda depýtattar Memleket Basshysy Qasym-Jomart Toqaevtyń koronavırýstyń taralýyna qarsy turý, indet kezinde jáne jalpy eldiń daǵdarysqa qarsy damýy jónindegi bastamalaryn zańnamalyq qoldaýdy qamtamasyz etý maqsatynda zańnamaǵa birqatar túzetýler qabyldaǵanyn atap ótti. Bul eń aldymen, salyq salý jáne áleýmettik tólemder máselelerine qatysty.

Sondaı-aq, Nurlan Nyǵmatýlın qazir áleýmettik jelilerde depýtattardyń shetelde demalyp júrgeni týraly aqparatqa nazar aýdardy.

"Men bul aqparattyń shyndyqqa janaspaıtynyn naqtylap aıtqym keledi. Olardyń barlyǵy elde, halyqqa osy qıyn kezeńnen ótýge kómektesýde. Bizdiń aımaqtardaǵy jumysymyz áli de jalǵasady. Bul aldaǵy Parlament sessııasynda qajetti zańnamaǵa ózgerister engizý kerektigin taldaýǵa múmkindik beredi. Qazirdiń ózinde zańnamalyq qorjynda ondaǵan jańa zań jobalary bar", dedi Májilis Tóraǵasy.

Sonymen qatar, Nurlan Nyǵmatýlın Májilis depýtattarymen qatar, qazir aımaqtarda Senat depýtattary jumys istep jatqandyǵyn atap ótti.

– Barsha qazaqstandyqtarǵa densaýlyq, amandyq jáne sabyrlylyq tileımin. Biz birligimizdiń arqasynda bul qıyndyqtan ótemiz dep senemin, – dedi Májilis Tóraǵasy Nurlan Nyǵmatýlın.

Sońǵy jańalyqtar

Qasıetti aıda qaıyrymdylyq jasady

Aımaqtar • Búgin, 09:20

Poıyz avtokólikti soqty

Oqıǵa • Keshe

ShQO-da mal urylary ustaldy

Aımaqtar • Keshe

«Shahter» komandasyna jańa bas bapker keldi

Aımaqtar • 16 Sáýir, 2021

Teatrda «Maýglıdiń» tusaýkeseri ótti

О́ner • 16 Sáýir, 2021

Uqsas jańalyqtar