Belgııa Premer-mınıstri Sofı Vılmes BrıýsseldeUlttyq qaýipsizdik keńesinen keıin ótkizgen brıfıngte osy sársenbiden bastap 12 jasqa tolmaǵan balalardy esepke almaǵanda eresekterdiń bir-birmen aralas-quralastyqty 5 adamnan asyrmaýy qajettigine toqtaldy. Sondaı-aq dúkenderge barýǵa da shekteý qoıylǵan. Balasyn ertken bir adamǵa nemese múgedekti alyp júrse ǵana eki jannyń qatar dúkenge kirýine bolady, al 1,5 metr araqashyqtyqty saqtaı almaıtyn jerdiń bárinde tumsha taǵý mindetteledi. Munymen qatar Belgııa úkimeti eldegi kompanııalarǵa múmkin bolǵan kezdiń bárinde meılinshe qashyqtan jumys isteý jaıynda keńes bergen.
Osy keńeste eldegi portty qala Antverpenniń de jaǵdaıy qarastyryldy. Al Antverpen qalasynyń basshylyǵy ýaqyt ozdyrmaı komendanttyq saǵat engizý týraly sheshim qabyldanǵan. Qazir Antverpen turǵyndarymen qatar provınsııa halqy saǵat 23.00 den tańǵy 6.00-ge deıin úılerinen shyqpaýy tıis. Tek aýrýhanaǵa nemese jumysqa baratyn adamǵa ǵana ruqsat.
Únemi birge júrip, tyǵyz aralasatyn adamdardyń, onyń ústine 5 jannan artpaıtyn bolsa meıramhana, dámhana, barlarǵa birge baryp tamaqtanýyna bolady. Al olardyń ıeleri kelgen klıentteri týraly málimetterdi tizip ony, 1 aı kóleminde saqtaýy tıis.
Kópshilik jınalatyn sharalar túgeldeı toqtatylyp, fıtnes ortalyqtar jumysyn qańtarǵan. Provınsııa gýbernatory Ketı Breks "Bul 4 aptaǵa sozylady. О́zińizdiń jáne jaqyndaryńyzdyń densaýlyǵyna beıjaı qaramasańyz, Antverpenge ázirge kelmeńiz. Al antverpendikter sizder de basqa óńirlerge barmańyzdar", degen ótinishin aıtqan.
Antverpendegi 550 meıramhana men barlardy aralap kórgen polısııa solardyń ishinen tumshalaýdy talap etpegen 34 –in jaýyp ta tastapty.
