Basqarma basshysynyń málimetinshe, birinshi synypqa 24 myńnan astam oqýshyny qabyldaý josparlanǵan. Búginge deıin 17 401 ótinish berilgen. Qujattar elektrondyq úkimet Egov.kz portaly jáne mektep.shymkent.edu.kz saıty arqyly qabyldanyp jatyr.
"Shymkent qalasy jańa oqý jylyn 745 bilim berý mekemelerimen bastaǵaly otyr. Olardyń qatarynda mektep, balabaqsha, kolledj ben qosymsha bilim berý mekemeleri bar. Qaladaǵy 172 mektepterge 18 myń jańa parta, sońǵy úlgidegi beıne baqylaý kameralary men 30 mektepke týrnıketter ornatý josparlanýda. Al bilim mekemeleriniń jylytý júıelerin jóndeý, qysymdaý jumystary tolyq aıaqtaldy. Jeke qazandyqpen jylytylatyn 25 mekemege 4 793 tonna qatty jáne 190 tonna suıyq otyn tasymaldanýda", - dedi basqarma basshysy.
Jańa oqý jylynda 11-synyptardy oqýlyqtarmen 100 paıyz jáne qalǵan synyp oqýshylaryn qosymsha kitappen qamtamasyz etý úshin baspalarmen tolyq kelisim shart jasalyp, oqýlyqtardy tasymaldaý bastalǵan. Aıta ketý kerek, kitappen qamtý jumystary 25 tamyzǵa deıin jalǵasady.
