Elorda • 29 Shilde, 2020

Qalaı ımmýndyq plazma donory bolýǵa bolady?

64 ret kórsetildi

COVID-19-ben aýyratyn naýqastardy emdeý úshin ımmýndyq plazmany orta nemese aýyr dárejeli koronavırýs ınfeksııasymen aýyrǵan donorlar tapsyra alady, dep habarlaıdy elorda ákimdiginiń baspasóz qyzmeti.

Donordyń jasy 18-den asqan, jeke kýáligi bar jáne salmaǵy keminde 50 kg bolýy kerek.

"Sondaı-aq júkti emes jáne bosanbaǵan áıelder de plazma tapsyra alady. Bul plazmany quıý kezinde ımmýnnologııalyq asqynýlarǵa jol bermes úshin jasalady. Mundaı asqynýlar sırek bolady, biraq kezdesýi múmkin. Mundaı problemany týǵyzbaý úshin biz bosanǵan áıelderden qan almaımyz", – deıdi donorlyq kadrlardy jınaqtaý bóliminiń meńgerýshisi, transfýzıolog-dáriger Elmıra Kópeeva.

Birinshi kúni ortalyqta donor qany men antıdeneni taldaý úshin tekserý júrgiziledi.

Eger kórsetkishter qalypty bolsa, kelesi kúni ol ımmýndyq plazmany tapsyrýǵa shaqyrylady. Prosedýranyń apparattyq ádispen jasalatyn plazmaforezden esh aıyrmashylyǵy joq. Plazma 600 mıllılıtr nemese odan tómen kólemde alynady.

"Antıdeneler rastalǵan jaǵdaıda, ımmýndyq plazmany tapsyrar aldynda daıyndalý kerek. Keshki saǵat 6-dan bastap, ashy, maıly, qýyrylǵan taǵamdardy, sútti paıdalanbaǵan jón. Sýdy nemese qara shaıdy kóp ishý qajet", – deıdi E.Kópeeva.

Kún saıyn tekserýge 10-11 donor keledi, olardyń tek 3-4-eýi ǵana plazmany tapsyra alady. Kóbine taldaý qalypty bolmaıdy jáne qalpyna keltirý úshin kóp ýaqyt qajet.

Osyndaı donorlardyń biri Nur-Sultan qalasynyń turǵyny Almas Asqatov boldy. Er adam bir jarym aı buryn COVID-19-ben aýyrǵanyn aıtady. 39,2 temperatýramen on kún júrgen. Endi basqalarǵa kómektesýge sheshim qabyldapty.

"Meniń anam aýyryp qaldy. Eki jaqty pnevmonııamen, ókpeniń 60% zaqymdalýymen aýyr jaǵdaıda aýrýhanaǵa tústi. Sondyqtan munyń ne úshin qajet ekenin jaqsy túsinemin. Eń bastysy, bireýdiń ómirin saqtap qalý úshin mańyzy zor", – deıdi A.Asqatov.

Nur-Sultan qalasynda barlyǵy 190 doza ımmýndyq plazma daıyndalyp, aýrýhanalardyń suranysy boıynsha 151 doza jiberildi. Olardyń 10-y basqa da qan ortalyqtaryna berildi. 77 donasııa ótkizildi, 69 adam ımmýndyq plazma donory boldy. Immýndyq plazmany tapsyrýǵa nıet bildirýshiler Transfýzıologııa ǵylymı-óndiristik ortalyǵyna júginýi qajet. Ortalyq Kereı men Jánibek Handar kóshesi, 10 meken-jaıynda ornalasqan.

Sońǵy jańalyqtar

Uqsas jańalyqtar