Dezınfeksııa quraldary týraly daqpyrt

Osyǵan baılanysty Almaty ın­fek­sıo­nısteri «qalada júrgiziletin dezın­­feksııa pnevmonııa týdyrady» dep taratylyp júrgen aqparatty joq­qa shyǵara otyryp, turǵyndardyń úre­ıin týǵyzatyn teris aqparattarǵa qatysty túsinikteme berdi. Dári­ger-ın­feksıonıst, vırýsolog, bıoqaýip­siz­dik jónindegi maman, Phd doktory Qar­lyǵash Ábdıeva barlyq preparat­tar­dyń tıisti tekserýlerden ótkenin atap ótti.

«Dezınfeksııanyń pnevmonııa týdyrýy múmkin emes, sebebi dezın­feksııaǵa arnalǵan barlyq preparat qanshalyqty ýly bolatynyna tek­serilip, test jasalady. COVID-19 vırýsy betki (ústińgi) qabatta uzaq saqtalady, kanadalyq Pathogen Safety Data Sheets (PSDSs) zertteýlerine sáıkes, koronavırýs belgili bir ylǵaldylyq pen temperatýrada 7-9 táýlik saqtalady. Sol sebepti ústińgi qabatty tıisti preparattarmen dezınfeksııalaý vırýstyń taralýynyń aldyn alýda qajet», deıdi maman.

Qarlyǵash Ábdıevanyń aıtýynsha, COVID-19 vırýsy kúrdeli, sóılesken kezde naýqastyń silekeıinen vırýsy bar mıkrotamshylar bólinedi jáne olar betki qabatta shamamen 30 mınýt boıy saqtalady. Sondyqtan qazirgideı jaǵdaıda dezınfeksııa asa qajet.

Qaladaǵy Ftızıopýlmonologııa ortalyǵynyń pýlmonology Abzal Malbasqanov eldiń arandatýshylyqqa ermeı, aqparatty resmı, ǵylymı derek kózderinen tekserýge keńes berdi. «Qazir resmı derek kózderi bar. DDU resmı jarııalanǵan derek kózderi, Densaýlyq saqtaý mınıstriliginiń, 100% zertteý júrgizetin ǵylymı tanymal jýrnaldar bar», degen Abzal Malbasqanov ataýy joq arnalarǵa senýdiń qajeti joq ekenin aıtty.

Búginde Almatyda kópshilik jınalatyn oryndarda, kireberister men aýlalarǵa dezınfeksııalyq óńdeý júrgizý úshin «Glıýzamın» jáne «Akma-Hlor» degen 2 túrli dezınfeksııalyq qural qoldanylady. Bular otandyq óndiristegi tekserýden ótken, Kedendik odaqtyń sanıtarlyq-gıgıenalyq talaptaryna sáıkes keletin preparattar, óndirilýine, júzege asyrylýy men paıdalanylýyna ruqsat etilgen preparattar reestrine tirkelgen. Bul quraldar bakterııalar, vırýstar, qyshymalarǵa qarsy tıimdi, qaýiptiligi tómen 3 topqa jáne qaýiptiligi az zattardyń 4 tobyna jatady, titirkendirý áreketi joq jáne adamdar, janýarlar men qustar úshin zııany joq. «Akma-Hlordyń» ózine tán ıisi bar ekenin, al «Glıýzamınniń» ıisi joq ekenin atap ótken jón. Sol sebepti «Akma-hlor» eritindisin paıdalanyp, nysandarǵa óńdeý júrgizilgen kezde adamdar preparattyń ıisin sezýi múmkin, al «Glıýzamınniń» ıisin sezbeıdi.

Almatyda qoldanylyp jatqan de­zın­feksııalyq preparattarǵa júıeli zerthanalyq baqylaý júrgiziledi. Laboratorııalyq zertteýlerdiń sanıtar­lyq-gıgıenalyq normalarǵa sáıkestigin tekserý úshin turǵyn úı saıasaty bas­qar­masy daıyn dezınfeksııalyq eri­tindilerden synama alyp, ony «Almaty qalasynyń ulttyq saraptama ortaly­ǵynyń» fılıalyna jetkizedi.

Halyq koronavırýstyq ınfeksııa­ny taratý kózi naýqas adam nemese sım­ptomsyz naýqas ekenin esten shyǵar­maǵany jón.

«Biz aýrýhanalarda juqpaly vırýs­tar bolmaýy úshin mindetti túrde jáne ómir boıy dezınfeksııalyq quraldardy paıdalanyp kelemiz. Eden jýatyn sanıtarlar da ony udaıy qoldanady. Jumys rejimi aıaqtalǵannan keıin medbıkeler kabınetterdi dezınfeksııalaıdy. Osydan keıin personal pnevmonııamen aýyrǵan bolsa, odan keıin jumys isteýge kelisýi ekitalaı edi», deıdi Almatydaǵy Onkologııalyq ortalyq dırektory Nursultan Izmaǵambetov.

ALMATY