"Qasıetti Qurban aıt merekesi qutty bolsyn! Sońǵy aılarda bizdiń ómirimiz kúrt ózgerdi.Biz de ózgerdik. Búginge deıin, kóp mán berilmegen qundylyqtar: densaýlyq, jaqyndarymyzdyń amandyǵy, qarapaıym qarym-qatynas eń basty ári qymbat qundylyqtar ekenin ómir bizge taǵy bir ret dáleldedi", - dep jazdy ol.
Mınıstr buryn mentalıtetimizge sáıkes, kúndelikti tirshilikte qarapaıym dúnıe tárizdi bolyp eseptelgen keıbir áreketterimiz búginde ereje buzýshylyq bolyp sanalatynyn aıtty.
Iаǵnı, epıdemıologııalyq ahýaldy qadaǵalaý úshin eńgizilgen erejeler – qonaqqa barý, adamdarmen aralastyǵymyzdy azaıtý, merekelik jáne dástúrli sharalardy atqarý baǵytynda belgilengen jańa erejeler talabyn oryndaý qazir asa mańyzdy. Biraq zamana talaptary ózgerse de – izgilik, mahabbat pen adamgershilik, dostyq pen kelisim mángilik qymbat qundylyqtarymyz bolyp qala beredi.Sizderge ashyq aspan, zor densaýlyq, týystaryńyz ben jaqyndaryńyzǵa osynaý qıyn kezeńdi abyroımen ótkizýge kúsh jiger men qajymas qaırat tileımin. Qurban aıt qabyl bolsyn, - dedi mınıstr.
