Oblys ákimi B.Saparbaevtyń bastamasymen elimizde birinshi bolyp qala, aýdan ákimderi men basqarma basshylarynyń aqparattyq ortalyqta esebi tyńdala bastaldy. Onda ındýstrııalandyrý kartasy, óńirdegi ekonomıkany saýyqtyrý, jol, kópir, kóshelerdi abattandyrý máseleleri sóz boldy. Aqparat quraldary ókilderi aldynda birinshi bolyp О́skemen qalasynyń ákimi Temirbek Qasymjanov esep berdi.
Oblys ákimi B.Saparbaevtyń bastamasymen elimizde birinshi bolyp qala, aýdan ákimderi men basqarma basshylarynyń aqparattyq ortalyqta esebi tyńdala bastaldy. Onda ındýstrııalandyrý kartasy, óńirdegi ekonomıkany saýyqtyrý, jol, kópir, kóshelerdi abattandyrý máseleleri sóz boldy. Aqparat quraldary ókilderi aldynda birinshi bolyp О́skemen qalasynyń ákimi Temirbek Qasymjanov esep berdi.
Aýmaq turǵyndary shalǵaıdaǵy aýdandar men qalalarda ne tyndyrylyp jatqanynan jetkilikti habardar emes. Olardyń jumystary men kemshilikterin baspasóz ben telearnalardan kórsetýdiń mańyzy zor, deıdi oblys ákiminiń orynbasary Jaqsylyq Omar. Aldymen qalanyń keshegisi men búgingisi, kásiporyndar men mekemelerdiń tynys-tirshiligi jaıly fotosýretter kórmesi uıymdastyryldy. Sosyn qala ákimi atqarylǵan jumystar jaıly keńinen aıtyp berdi.
– О́skemen – iri metallýrgııalyq ortalyq. Munda otyzdan astam kásiporyndar jumys istep tur. Jyl basynan beri 407 mıllıard teńgeniń ónerkásip ónimi shyǵaryldy. Investısııalyq belsendilik ótken jylmen salystyrǵanda 2,4 paıyz ósti. Elimizdiń ındýstrııalandyrý kartasyna engen «Azııa-Avto» zaýytynda 12 myń adam eńbek etetin tolyq sıkldy zaýyttyń qurylysy qarqyn aldy. Jalpy quny 264,5 mıllıard teńgeniń 15 iri jobasy respýblıkalyq ındýstrııalyq serpindi jobaǵa endi. Olardyń qatarynda kúnnen qýat alatyn fotoelektr tabaqshalary, úı qurylysy kombınaty, qaǵaz kombınaty bar. Jyl basynan beri 31 myń sharshy metr turǵyn úı paıdalanýǵa berildi. Tamyz aıynda «Qoljetimdi turǵyn úı-2020» baǵdarlamasy boıynsha 11 myń sharshy metr turǵyn úı iske qosyldy. Turǵyn úı qurylys jınaq banki júıesi boıynsha 450 páterli 6 kópqabatty nesıelik turǵyn úı, «Jas otbasy» baǵdarlamasymen 120 páterli eki turǵyn úı berilmek. «Jumyspen qamtý-2020» baǵdarlamasymen 55 páterli shaǵyn otbasylyq jataqhana qurylysyn aıaqtaý kózdelindi.
Qala ákimi Temirbek Jumaqululy budan keıin ózender órnektegen О́skemende kópirlerdiń az ekenin tilge tıek etti. Keler jyly óńir basshysy B.Saparbaevtyń bastamasymen qart Ertistiń boıynda bir kópirdiń qurylysy bastalatyn túri bar. 1 qarashada Úlbi ózeninde taǵy bir kópir tapsyrylmaq. Kóshelerdi jaryqtandyrýda kemshilikter bar, ony túzeý mindetimiz, dedi qala basshysy. Ekologııany saýyqtyrýda da baǵdarly jumystar júrgizilýde. Azyq-túlik baǵasynyń qymbattamaýyn qadaǵalaýdamyz. Jaqynda kóshedegi jaıma bazarlardy jaýyp, arnaıy oryndarda saýda jasaýǵa jaǵdaı jasadyq. Ertistiń sol jaǵalaýy «aqyldy qalaǵa» aınalmaq. Innovasııalyq jobanyń avtorlary jastar «aqyldy qalada» demalyp, kóńil kóteretin oryndardy salyp, túrli qyzmet kórsetetin mekemeler toptastyrylmaq.
Jýrnalıster qala ákimine saýaldardy qarsha boratty. Ekologııa, kóshe tazalyǵy, tipti qala ákiminiń kezekti eńbek demalysy kezinde júrgizýshisiniń ruqsatsyz kólikti alyp ketip, jol apatyna ushyraǵany jaıly da saýaldar qoıyldy. T.Qasymjanovtyń aıtýynsha, júrgizýshi kinási úshin jaýap bermek, qazir arnaıy oryndar tergeý amaldaryn júrgizýde. Al problemalar men kemshilikterdi qala turǵyndarymen birlesip sheshý qajet ekenin da nazarǵa saldy. Ashyq áńgime jýrnalısterdiń kóńilinen shyqty. Apta saıyn mundaı kezdesýler jalǵasa bermek.
Ońdasyn ELÝBAI,
«Egemen Qazaqstan».
О́SKEMEN.
