Aımaqtar • 04 Tamyz, 2020

Kómek kóptik etpeıdi

38 ret kórsetildi

Qaýipti indetke shaldyqqandardy emdeýde eren eńbektiń úlgisin kór­­se­tip júrgen dárigerlerge qoldaý bildirýshi kóp. Solardyń qa­ta­­ryna Atyraý oblysyndaǵy Qazaqstan halqy Assambeıasy fı­lıa­­lynyń músheleri men eriktileri de qosylyp, ıgiliktiń istiń or­ta­­synan tabyldy.

Assambleıa quramyndaǵy etnos ókilderi «Biz birgemiz» ak­sııasy aıasynda «Sultan», «Izma­ǵan­betov», «Dáýren» jeke sharýa qojalyqtarynyń basshyla­ry­men birge №2 oblystyq ın­fek­sııa­lyq aýrýhana men ókpe aýrý­la­ry dıspanserinde ashylǵan provızorlyq bólimniń 135 medısına qyzmetkerine 5 lıtr shubat, sıyrdyń 40 lıtr, eshkiniń 5 lıtr sútin, 35 kılo qııar jetkizdi. Sondaı-aq Assambleıa eriktileri men ózge ult ókilderi «Atyraý dári-dármekteri» chatyn ashyp, arzan ári qajetti dári-dármekter bar dárihanalar, kómek alý nysandary jóninde kúndelikti aqparat berýde. Bul chatqa qosylǵan 600-ge jýyq turǵynnyń 40 paıyzy qajetti dárilerin tapqan. Atalǵan topta tegin dári-dármek taratyp júrgen eriktiler de bar. Olar kó­mek­ke muqtaj 27 otbasyna kómek kór­setti.

«Atyraý dári-dármekteri» chaty­nyń tirkelýshileri artyq dári­­lerin ózge turǵyndarǵa tegin usynady. Keıbiri bir-biri­men almastyrýda. Assambleıa ja­nyn­daǵy «Jańǵyrý joly» jas­tar qozǵalysynyń jetekshisi, «Saraıshyq» sharýa qojalyǵynyń dırektory Tamılla Rozmetova oblystyq aýrýhananyń 150 medısına qyzmetkerine eshkiniń 20 lıtr súti men aıran, irimshik, súzbe, ıogýrt ónimderin ákelip berdi. Al Atyraý oblysy QHA Qo­ǵamdyq kelisim keńesiniń tó­­ra­ǵasy Nurjan Ermuqanov «Atyraý Raýan» qoǵamdyq qory­men birlese oblystyq, ınfek­sııa­lyq aýrýhanalarǵa, ókpe aýrýlaryn emdeıtin dıspanserge, jeti aýdandaǵy ortalyq aýrýhanalarǵa 17 mln teńgege satyp alynǵan ot­te­gi konsentratorynyń 100 danasyn tabys­tady.

 

Atyraý oblysy

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar