Osyndaı qıyn-qystaý kezeńde "Kaspi bank" aksıonerlik qoǵamy demeýshi bolyp, Jambyl oblystyq medısınalyq jedel járdem stansasyna 10 jedel járdem kóligin alyp berdi. Endi atalǵan kólikter koronavırýspen kúreste qyzmet kórsetetin bolady.
Sonymen qatar, bul jedel járdem kólikteri medısınalyq, sanıtarlyq jáne bakterısıdtik jabdyqpen jabdyqtalǵan. Bir aıta keterligi, bul kólikterdi "SaryarqaAvtoProm" jaýapkershiligi shekteýli seriktestigi qurastyrǵan. Jıynda oblystyq densaýlyq saqtaý basqarmasynyń basshysy Marat Jumanqulov "Kaspi bank" aksıonerlik qoǵamy men "SaryarqaAvtoProm" kompanııasynyń basshylyǵyna alǵys bildirip, óńir dárigerlerine kólik kiltterin tabys etti. «Jalpy, qazirgi tańda oblys boıynsha 139 brıgada jumys isteıdi. Jedel járdem kólikteri jetkilikti. Degenmen eldegi jaǵdaıǵa baılanysty shaqyrtýlar kóp bolyp, túrli qıyndyqtar týyndap jatady. Jedel járdem kólikteri úlgermeı qalýy múmkin.
Al búgin demeýshiler syıǵa tartqan 10 kólik birqatar olqylyqtardyń ornyn toltyratyny anyq. Sonymen qatar, aldaǵy ýaqytta atalǵan demeýshilerdiń qoldaýymen taǵy 18 jedel járdem kóligi qatardy tolyqtyrady dep kútilýde», dedi Marat Jumanqulov.
Jambyl oblysy
