Aqtóbe oblysynda munaı urlyǵy órship tur. Bir qylmystyq top quny 1 mlrd. teńgeni quraıtyn munaı urlaǵan. Osy qylmysqa tikeleı qatysy bolǵan fırma dırektory 6 jyl ómirin túrmede ótkizedi. Al onyń sybaılasyna izdeý jarııalandy. Bul týraly «Dıapozon» jazdy.
Jergilikti óńirdegi Baıǵanın aýdanynyń ózinde 1 jyl ishinde quny 1,5 mlrd. teńgeni quraıtyn munaı urlyǵy tirkelgen. Jalpy, oblys kóleminde urlanǵan munaıdyń jıyntyǵy-10 mlrd. teńgeni quraıdy. Osyǵan qatysty jyl basynda 54 qylmystyq is qozǵalyp, 37 azamat jazaǵa tartylǵan. «Aıypkerler qaraýsyz qalǵan ken oryndarynan munaı urlaǵan. Aralarynda jalǵan qujat ázirlep, «qara altyndy» shetel asyrǵandary bar. Temir torǵa qamalǵandardyń ishinde «Munaı ónimi» jaýapkershiligi shekteýli seriktestiginiń qyzmetkeri de bar. Sot sheshimimen onyń 70 mln. teńgeni quraıtyn qymbat baǵaly dúnıeleri tárkilendi», -deıdi oblystyq prokýratýra I basqarmasynyń jetekshisi Muratbek Myrzamuratov.
Baqytbek Keneshuly.
