Aqtóbege berilgen jabdyqtyń jalpy quny 7,2 mln teńgeni qurady. Bul soma 2019 jyly "О́mir syılaıyq" jobasynyń sheńberindegi sharalar jáne GAZ Energy jelisiniń bokstary, qazaqstandyqtardyń Kassa24 termınaldarymen aýdarymdar arqyly, "KOMPRA" JShS-men birge jasalǵan sharalar, sondaı-aq jeke tulǵalardyń qaıyrmaldyqtary arqyly jınaldy.
Fototerapııa shamdaryn qordan Aqtóbeden basqa Almatynyń perınataldyq ortalyqtary aldy. Eki sham Qalalyq perınataldyq ortalyqqa, taǵy úsheýi – Perınatologııa jáne balalar kardıohırýrgııasy ortalyǵyna ornatyldy. Bul jabdyqtyń jalpy quny 6 mln teńgeni quraıdy. Bul soma 2019 jyly "О́mir syılaıyq" jobasy sheńberinde jınalǵan bolatyn.
Jyl saıyn "Aqtóbe medısınalyq ortalyǵynyń" (burynǵy Oblystyq balalar klınıkalyq aýrýhanasy) balalar stasıonary arqyly 80 myń bala ótedi, onyń ishinde 12 myńy aýrýhanaǵa jatqyzylady. Bul medısınalyq mekemeniń basshylyǵy balalar reanımasııasy úshin medısınalyq jabdyqtar satyp alýǵa kómek surap, "AIаLA" qoryna júgindi.
"On myńdaǵan qaıyrymdy qazaqstandyqtar bizdiń qordyń osy aýrýhanaǵa eń ozyq, tıimdi jáne qaýipsi jabdyq satyp áperýine kómektesti. 14 jyldan beri biz dárigerlerimizdiń elimizde neǵurlym kóp balanyń ómirin qutqaryp qalýy úshin jumys istep kelemiz. Neonatologtar úshin biliktilikti arttyrý kýrstaryn ótkizemiz, jańa týǵan sábılerge medısınalyq kómek kórsetýdiń zamanaýı ádisteri boıynsha ádistemelik usynymdar shyǵaramyz. Meniń fılosofııam qarapaıym – bul densaýlyq saqtaýdyń problemalaryn dárigerlermen, Densaýlyq saqtaý Mınıstrligimen ónimdi jáne kásibı dıalog arqyly júıeli túrde sheshý úshin resýrstar shoǵyrlandyrý. Jyl saıyn kúshimizdi biriktirip, elimizdiń myńdaǵan balalarynyń ómirine arasha bolyp júrgenimizge qýanamyn", - deıdi "AIаLA" qorynyń prezıdenti Aıdan Súleımenova.
Dene salmaǵy óte az bolyp týǵan sábılerge arnalǵan IDN-03-"ÝOMZ" ınkýbatory shala týǵan balalardyń ómirsheńdigi men densaýlyǵyn jaqsartady. Ol aýanyń temperatýrasy men ylǵaldylyǵy, ottegi shoǵyrlanymy, balanyń dene temperatýrasy men salmaǵynyń parametrlerin mıkroprosessorlyq basqarýmen jaraqtandyrylǵan. Inkýbator shala týǵan jáne álsiz balalarǵa kútim jasaýǵa jáne tıimdi reanımasııa júrgizýge arnalǵan, sondyqtan sábıler patologııasy bólimshelerinde bazalyq terapııa úshin qoldanylady.
OFN-2-ÝOMZ fototerapevttik neonataldyq sáýlelendirgish tikeleı sábıdiń ınkýbatoryna ornatylady nemese kronshteınniń kómegimen onyń dińgekteriniń birine bekitiledi. Onda kók-jasyl spektrdegi sáýle kóziniń jańa túri paıdalanylady, ol bala aǵzasyna múldem zııansyz.
Fototerapııa shamy sábıdiń sarǵaıýyn emdep, saýlyǵy men aqyl-parasatyn saqtap qalýǵa kómektesedi. Sábılerdiń sarǵaıýy – bul ortalyq júıke júıesiniń aýyr buzylýyna alyp keletin ýytty bılırýbın deńgeıiniń joǵarylýy. Ol ásirese, shala týǵan balalar, anemııasy jáne qursaqishilik juqpasy bar balalar arasynda jıi kezdesedi. Qanda ýytty bılırýbın deńgeıiniń asa joǵary bolýy damýdyń tejelýi, atetoıdtik serebral sal aýrýy, ishinara nemese tolyq sal aýrýy, tolyq joǵaltýǵa deıingi estý problemasy sııaqty balanyń bas mıynyń qaıtymsyz zaqymdanýynyń sebebi bolýy múmkin.
Fototerapııa shamy qyzmetiniń shekti merzimi 1 myńnan 2 myń saǵatqa deıin. Budan keıin ol aýystyrylýy tıis. Sondyqtan mundaı shamdarǵa suranys óte joǵary.
13 jyl ishinde "AIаLA" qorynyń "О́mir syılaıyq" jobasy elimizdiń 36 qalasy men eldimekenderindegi 67 medısınalyq mekemeni qamtydy. Bokstar, Kassa24 termınaldarymen aýdarymdar arqyly jáne jeke qaıyrmaldyqtar arqyly jınalǵan qarajatqa Qazaqstannyń balalar reanımasııalaryna 95 fototerapııa apparaty, 9 ókpeni jasandy jeldetý apparaty, jańa týǵan sábılerge arnalǵan 7 ınkýbator, 18 reanımasııa ústelsheleri, 140 ınfýzııalyq jáne shprıstik mólsherlegishter, 7 SIPAP apparaty, 26 tósek janyndaǵy monıtor, 2 narkoz apparaty, defıbrıllıator, EEG apparaty jáne balalardyń ómirin qutqarý úshin mańyzdy júzdegen basqa medısınalyq qurylǵylar ornatyldy.
