Oqý ornynyń baspasóz qyzmetiniń habarlaýynsha, bolashaq pedagogtar kýrs barysynda qashyqtan oqytýdyń termınologııasy men negizgi qaǵıdalaryn jáne onlaın bilim berýdiń jańa tehnologııalary men ádis-tásilderin jan-jaqty meńgermek.
– Bul joba Tuńǵysh Prezıdent qory men Elbasy Akademııasynyń bastamasymen júzege asyrylýda. Kásibı mamandar muǵalimder men stýdenttergejáne ata-analarǵa eki tilde dáris beredi. Aıta keteıin, «Birge oqý» pedagogtarǵa qashyqtan bilim berýdiń qyr-syryn túsindiretin kómekshi qural ispettes. Platforma ýaqyt ótken saıyn onlaın bilim berý áleminde muǵalimniń baǵyt berýshi taptyrmas serigine aınalyp keledi. Dáris barysynda qashyqtan oqytýdyń negizgi quraldary, nusqaýlyqtary men tehnıkasy kórsetiledi. Sondaı-aq sabaqty neden bastaý kerektigi jóninde tıisti keńester aıtylyp, jumysty uıymdastyrýdyń qarapaıym tásilderi usynylady. Bul óz kezeginde Qyzdar ýnıversıtetiniń qabyrǵasynda bilim alyp júrgen bolashaq pedagogtardyń kásibı turǵydan shyńdalýyna septigin tıgizbek, – deıdi QyzPÝ-dyń Baspasóz jáne qoǵammen baılanys bóliminiń basshysy Jandar Asan.
Kýrs sońynda qatysýshylardyń qandaı da bir pán boıynsha arnaıy jobasy bolady, sonymen qatar úzdik stýdentter aýyldyq mektep oqýshylaryna arnalǵan «El Úmiti» onlaın mektebiniń tıýtoryretindegi irikteýge qatysady.
– «Birge oqý» jobasynyń negizgi maqsaty –qashyqtan bilim berý formatyna kóshýdi ońtaılandyrý, muǵalimder men oqýshylarǵa jáne olardyń ata-analaryna onlaın oqytý barysynda kómek berý, sapaly bilim alýǵa múmkindik jasaý, –deıdi joba avtorlary.
Olardyń aıtýynsha, dáris kezinde uzaq jyldar boıy onlaın bilim berý salasynda jumys isteıtin, onyń erekshelikteri men qaǵıdalaryn jete meńgergen otandyq pedagogtardyń tájirıbesi eskeriledi.
