TMD memleketaralyq baǵdarlamasyn iske asyrý aıasynda onlaın rejıminde ótkiziletin is-sharalar josparyna sáıkes "Shymkent 2020 - TMD-nyń mádenı astanasy" jyly aıasynda 10-30 tamyz aralyǵynda Dostastyq elderi arasynda qazaqtyń uly oıshyl aqyny Abaı Qunanbaıulynyń 175 jyldyǵyna arnalǵan "Abaı sózi" onlaın oqýlary ótedi. TMD elderiniń qatysýshylary Abaı shyǵarmalaryn óz tilinde nemese qazaq tilinde oqıdy.
10 tamyzdan bastap Abaı kúnine oraı Shymkent qalasynyń mádenıet jáne óner mekemelerinde onlaın formatta is-sharalar uıymdastyrylady. Atap aıtqanda, qalalyq kitaphanalarda "Álem tanyǵan uly Abaı", "Abaı danalyǵy – halyq murasy", "Elim - jerim dep, bar ǵumyryn pash etken Uly tulǵa", "Abaıdyń sózi – qazaqtyń boıtumary" atty onlaın kitap oqý, ádebı sazdy keshter men vırtýaldy kitap kórmeleri, ádet-ǵuryp jáne salt-dástúr ortalyǵynda "Abaıdy qalaı tanydym?!" atty tanymdyq tárbıe saǵaty uıymdastyrylady.
J.Shanın atyndaǵy akademııalyq qazaq drama teatry "Uly Abaıǵa 175 jyl, Abaı beınesi" "Parasat" ordeniniń ıegeri, Qazaqctannyń eńbek sińirgen artısi Sapar О́temisulymen onlaın-efıryn, qalalyq orys drama teatry "Abaı joly" onlaın-baǵdarlamasyn, qalalyq ózbek drama teatry M.Áýezovtiń "Abaı" onlaın-dramasyn, qalalyq opera jáne balet teatry "Abaı armany" onlaın-konsertin, qalalyq ázil jáne satıra teatry "Júregim neni sezesiń?!" atty poetıkalyq-dramalyq qoıylymyn, qalalyq qýyrshaq jáne jasóspirim teatry "Dara tulǵa" onlaın-poetıkalyq dramasyn, Shymkent-sırki "X-BAND" djaz orkestriniń onlaın-konsertin Instagram jáne Facebook paraqshalary men Youtube arnasyndaǵy óz kórermenderine usynady.
