Nur-Sultan turǵyndary qazaqtyń uly oıshyly, aqyn Abaı Qunanbaevtyń 175 jyldyǵyna oraı #Abaı175 #Abay #Abai #Abaı mýzykalyq chellendjin iske qosty. Abaı ánin birinshi bolyp túrli salada qyzmet etetin mamandar oryndady: dárigerler, avtobýs júrgizýshileri, polıseıler, qutqarýshylar, muǵalimder, sondaı-aq túrli etnomádenı birlestikterdiń ókilderi, eriktiler. Olardy qazaqstandyq estrada juldyzdary Maıra Ilııasova, Qydyráli Bolmanov, Aıgúl Imanbaeva, Qaırat Baekenov qoldady. Barlyǵy súıip tyńdaıtyn, halyqtyń qulaǵynda jattalyp qalǵan "Kózimniń qarasy" áni jańasha shyrqaldy.
Turǵyndar kompozısııany shyrqap qana qoımaı, ony túrli aspaptarda da oryndady. Abaı Qunanbaev-qazaq halqynyń uly aqyny, biz árqashan maqtan tutatyn tarıhı tulǵa. Mýzykalyq chellendjge qatysýshylar qazaq dalasynyń uly esimderin birge qoldaýǵa jáne bastamaǵa qatysýǵa shaqyrdy.
"Abaıdyń 175 jyldyǵyna arnalǵan chellendjdi barsha qazaqstandyqtarǵa joldaımyz. Biz birgemiz", – deıdi eriktiler.
