Qańtar – shilde kezeńinde "QTJ" UK" AQ 1,5 mln astam un jáne untaq ónimderi tıelimin qamtamasyz etti. Bıylǵy astyqty tasymaldaýdy uıymdastyrý máseleleri "QTJ" UK" AQ Basqarma Tóraǵasynyń Birinshi orynbasary Qanat Álmaǵambetovtyń tóraǵalyǵymen ótken onlaın-keńes barysynda talqylandy.
Keńeske memlekettik organdar, "Azyq túlik korporasııasy" UK" AQ, "Astyq trans" AQ ókilderi, astyq treıderleri qatysty. Kezdesý Bıylǵy astyqty tasymaldaýǵa daıyndyq boıynsha keshendi jospar sheńberinde ótkizildi.
О́tken jylǵa qaraǵanda eksportqa astyq tıeý 1,3 mln tonnaǵa, sonyń ishinde Eýropalyq baǵytqa, Ortalyq Azııa elderine, Iran men Qytaıǵa kemigeni atap ótildi. Tasymal kemýiniń sebebi – 2019 jylǵy eginniń tómen bolýy, koronavırýs pandemııasy saldarynan eksportqa shekteý engizilýi jáne ózgeleri. Bul rette, uńtaq ónimderiniń tıelimi О́zbekstandy qospaǵanda, barlyq baǵyttar boıynsha ortasha 43% ósiminiń tendesııasy bar.
Qanat Álmaǵambetov astyq tasymaly tıimdiligi úshin tasymal prosesi barlyq qatysýshylarynyń úılesimdi is-áreketi qajet ekendigin atap kórsetti.
Onyń málimetine qaraǵanda, "QTJ" UK" AQ parki bıylǵy astyqty tasymaldaý úshin daıyn. Qazaqstandyq jabyq vagondar parki 13 myń danadan astam dep sanalsa, sonyń shamamen 8 myńy "Qaztemirtrans" AQ ıeliginde bolyp tabylady. Astyq tasymaldaýshylar parki 9 myń danadan astam bolsa, sonyń 6,5 myńy "Astyq Trans" AQ basqarýynda.
Júkjóneltýshilerdiń kirme joldarynda jyljymaly quramdy normadan asyra ustaýdy qysqartyp, parkti tıimdi paıdalaný arqyly kúzgi vagondar jetispeýshiligi táýekelin boldyrmaýǵa bolady.
Aı boıynda tıelimniń birkelki emestigi sondaı-aq jyljymaly quramnyń jetispeýshiligin qoldan jasaıdy. Aı saıyn 5-ne deıingi táýliktik tıelim 60 astyq tasymaldaýshyǵa deıingini quraıdy. Aıdyń ekinshi onkúndiginde tapsyrys berý sany birden táýligine 1200 astyq tasymaldaýshyǵa deıin ósip ketedi.
Mamandardyń esepteýi boıynsha, málimdelgen ónimdi alyp ketý úshin vagondar aınalymyn qysqartý qajet. Sonymen, eger astyq tasymaldaýshy aınalymyn bir táýlikke qysqartsa, jyljymaly quram únemi 550 astyq tasymaldaýshyǵa jetedi.
Júris jyldamdyǵyn arttyrý úshin QTJ О́zbekstanǵa jáne Ortalyq Azııa elderine marshrýttyq poıyzdardy (astyqtyq jáne undyq shattldardy) qurýǵa daıyn.
Sondaı-aq aýyl sharýashylyǵy ónimderin tasymaldaýdy júzege asyratyn júkjóneltýshilerdi qoldaýǵa baǵyttalǵan ár túrli is-sharalar kesheni iske asyrylýda. Sonymen, 2020 jylǵa Qazaqstannan О́zbekstan aýmaǵy boıynsha astyq jáne un tasymaldaýǵa qoldanystaǵy TMD tarıftik saıasaty stavkasymen jeńildik belgilengen.
2020 jyldyń 1 naýryzynan О́zbekstan aýmaǵy arqyly tranzıtpen Aýǵanstanǵa olardyń kimge tıesili ekendigine qaramastan, bıdaı men undy vagondarmen tasymaldaý kezinde jeńildikter qarastyrylǵan.
Astyq tasymalyn uıymdastyrýmen baılanysty máselelerdi jedel sheshý úshin dástúr boıynsha 1 qazannan "QTJ" UK" AQ Basqarma Tóraǵasynyń Birinshi orynbasarynyń basqarýymen Kompanııanyń ortalyq apparatynda astyq tasymalyn uıymdastyrý jónindegi shtab jumysyna kirisedi. Aqmola, Qostanaı, Mańǵystaý jol bólimsheleri janynan jedel astyq toptarynyń táýliktik jumysy uıymdastyrylady.
Keńesti aıaqtaı kele Q. Álmaǵambetov "QTJ" UK" AQ óz tarapynan júkjóneltýshilerdiń tapsyrysyn tolyq kólemde qamtamasyz etýge baǵyttalǵan barlyq múmkin bolatyn sharalardy qabyldaıtyndyǵyn atap ketti.
