"Bıyl Alashtyń alyby, qazaqtyń danasy Abaı Qunanbaıulynyń týǵanyna 175 jyldyq mereıtoıy atalyp ótilýde. Osyǵan oraı Memleket basshysy dara tulǵanyń mereıtoıyn taǵylymdyq turǵyda atap ótýdi, toı – merekeniń emes, oı-berekeniń uıytqysyna aınalýyn tapsyrǵan bolatyn. Uly oıshyldy ulyqtaýdyń negizgi maqsaty — jas býynnyń sanasyna ǵulamanyń izgilik támsilin barynsha sińirý. Abaı jaqqan bilim-ǵylymnyń shamshyraǵyn memleketshildiktiń adastyrmas temirqazyǵyna aınaldyrý. Dana Abaıdyń esimi álemdik deńgeıge jańa leppen shyǵaryna senemin. Abaıdy taný – Alashty taný, qazaq halqynyń tereń dúnıetanymy men taǵylymdy bolmysyn taný degen sóz. О́ıtkeni, onyń týyndylarynda ulttyń bolmys-bitimi, turmys-tirshiligi, paıym-parasaty, dili men tili, dini men rýhy aıryqsha kórinis tapqan.
Táýelsizdiktiń arqasynda Abaı áleminiń terezesi Alty alashqa ǵana emes, tutas adamzatqa aıqara ashyldy. Jyldar óte taý tulǵamyzdyń esimi jahan jaýharlarynyń ortasynan oıyp turyp oryn alyp, álemniń asyl qazynasyna aınalary sózsiz", -dedi oblys ákimi Mahambet Dosmuhambetov.
"Máńgilik Abaı" onlaın telemarafonynda aqynnyń óleńderi men qarasózderi oqyldy, ánderi shyrqaldy. Sondaı-aq Abaıdyń ómir joly, shyǵarmashylyǵynan syr shertetin eńbekter usynyldy.
