«Inter» men «Baıer» arasyndaǵy matchta 3 gol soǵyldy. Oıynnyń 15-mınýtynda Nıkolo Barılla («Inter») qaqpanyń tómengi buryshyna soqqy jasap esep ashsa, araǵy 6 mınýt salyp Romelý Lýkaký jaqyn qashyqtan qaqpaǵa dopty dál baǵyttap, esepti 2:0-ge jetkizdi. Osydan keıin ǵana esterin jınaǵan leverkýzendikter araǵa 3 mınýt salyp esepti qysqartty. Kevın Follandtyń alystan bergen pasyn kádege jaratqan Kaı Havers Handanovıch qorǵaǵan qaqpanyń kiltin tapty. Esep – 2:1. Ekinshi taımda qos ujym gol soǵýǵa qansha tyrysqanymen oıyn sońyna deıin esep ózgergen joq. «Inter» – jartylaı fınalda!
Esterińizge sala keteıik, Eýropa lıgasynyń 1/8 fınalynda «Inter» oıynshylary «Hetafe» komandasyn 2:0 esebimen jeńse, «Baıer» eki oıyn nátıjesinde – «Reındjersten» (3:1, 1:0) basym tústi. Jartylaı fınalǵa joldama alǵan «Inter» endi «Shahter» men «Bazel» arasyndaǵy jeńimpaz komandamen kezdesedi.Pandemııaǵa baılanysty barlyq oıyn Germanııa qalalarynda jankúıerlersiz ótýde. Jeńimpaz tek bir ǵana kezdesýden anyqtalady.
Negizgi quram:
«Inter»: Handanovıch, Godın, de Vreı, Bastonı (Shkrınıar), D’Ambrozıo (Mozes), Barella, Brozovıch, Galıardını (Erıkson), Iаng, Lýkaký, Martınes (Sanches).
«Baıer»: Gradeskı, Sven Bender (Belarabı), Sınkgraven (Vendell), Tapsoba, Lars Bender, Demırbaı, Baýmgartlınger (Amırı), Palasıos (Beılı), Havers, Dıabı, Folland.
Bas tóreshi: Karlos Del Serro (Ispanııa)
Stadıon: «Merkýr Shpıl-Arena» Dıýsseldorf (Germanııa)
